Business Idea | एक छोट्या खोलीचे कार्यालय उघडून या व्यवसाय सुरु करा, मोठी प्रॉफिट मिळेल, सुरु करण्याची प्रक्रिया पहा

Business Idea | कमी खर्चात स्वत:चा व्यवसाय सुरू करायचा असेल तर आम्ही तुम्हाला एक कल्पना सांगत आहोत, जी तुम्हाला खूप कमाई करून तर देईलच, पण त्यातून तुम्ही इतरांना देखील नोकरी देण्यास सज्ज व्हाल. हा व्यवसाय सुरक्षा रक्षक पुरवण्याचा आहे. जिथे तुम्ही तुमची सिक्युरिटी एजन्सी उघडू शकता आणि अतिशय कमी खर्चात या व्यवसायात उतरू शकता. विशेष म्हणजे आज छोट्या स्थानिक सोसायटीपासून ते लहान मोठ्या कंपन्यांमध्ये तसेच अगदी दुकानदारांनासुद्धा सुरक्षा रक्षकांची गरज असते. त्यासाठी अशी एजन्सी सुरक्षा रक्षक पुरवून त्यामोबदल्यात महिन्याला एक ठराविक रक्कम देते.

अपेक्षित पैसा कमावण्याची संधी
सुरक्षेच्या बाबतीत लोक क्वचितच कंजूसी करतात, म्हणजे या व्यवसायाच्या माध्यमातून तुम्हाला अपेक्षित पैसा कमावण्याची संधी मिळू शकते. झपाट्याने होत असलेले शहरीकरण होत आहे, नवनवे व्यवसाय आणि उद्योग धंदे उभारले जात आहेत, सुरक्षारक्षकांची मागणीही तीव्र झाली आहे. स्वतःची सिक्युरिटी एजन्सी उघडून तुम्ही ही मागणी पूर्ण करू शकता. यामध्ये छोटी किंवा मोठी गुंतवणूक तुमच्यासाठी फायद्याची डील ठरू शकते आणि त्यात तोटा होण्याची शक्यता कमीच असते.

कामाची कमतरता नाही
सर्वात मोठी कंपनी असो किंवा सेवा क्षेत्रातील कार्यालये छोटीमोठी कामे करणारी असो, प्रत्येकाला सुरक्षेसाठी सुरक्षारक्षकांची गरज असते. अशा परिस्थितीत तुम्ही तुमची सुरक्षा एजन्सी उघडून या क्षेत्रातील मनुष्यबळ पुरवठ्याचे काम पुढे नेऊ शकता. आज अपार्टमेंट किंवा एटीएम, पब किंवा बार किंवा छोट्या दुकानांपासून ते मोठ्या शॉपिंग मॉल्सपर्यंत. आज, अशी कोणतीही जागा असू शकत नाही जिथे लोकांना सुरक्षा रक्षक आणि सुरक्षा एजन्सीची आवश्यकता नाही. आता लोक आपल्या घरातही सुरक्षा रक्षक तैनात करतात. त्याचप्रमाणे बडे व्यावसायिक आणि नेतेही आपल्या सुरक्षेसाठी एका चांगल्या आणि विश्वासार्ह सुरक्षा एजन्सीच्या शोधात आहेत.

कंपनी स्थापन करून नोंदणी करा
सिक्युरिटी गार्ड एजन्सी सुरू करण्यासाठी गुंतवणुकीबद्दल बोलायचे झाले तर, जर तुम्हाला एकट्याने व्यवसाय सुरू करायचा असेल तर तुम्ही कमी गुंतवणुकीत सुरुवात करू शकता. त्यासाठी तुम्हाला स्वत:ची कंपनी तयार करावी लागेल, मग ईएसआयसी आणि पीएफ नोंदणीही करावी लागेल. त्याचबरोबर जीएसटी नोंदणी व्यतिरिक्त तुमच्या कंपनीची नोंदणीही लेबर कोर्टात करणं गरजेचं आहे.

पीएसएआरए परवाना आवश्यक (PSARA Permit)
खासगी सुरक्षा एजन्सी रेग्युलेशन अॅक्ट २००५ अंतर्गत सुरक्षा एजन्सी उघडण्याचा परवाना दिला जातो. यालाच PSARA म्हणतात. या परवान्याशिवाय खासगी सुरक्षा एजन्सी चालवता येत नाही. त्यासाठी परवाना देण्यापूर्वी अर्जदाराची पोलिस पडताळणी केली जाते. त्याचबरोबर एजन्सी उघडण्यासाठी राज्य नियंत्रण प्राधिकरणाने प्रमाणित केलेल्या संस्थेकडून सुरक्षा रक्षकांच्या प्रशिक्षणासाठी करार करावा लागतो.

नियम आणि शुल्क
सुरक्षा एजन्सी उघडण्यासाठी अर्जदार हा भारतीय नागरिक असणे आवश्यक आहे. अर्जदारावर कोणताही फौजदारी खटला नसावा. अर्जदाराला परवाना शुल्क भरावे लागते. एका जिल्ह्यात सिक्युरिटी एजन्सीचा परवाना घ्यायचा असेल तर त्यासाठी सुमारे 5000 रुपये, ५ जिल्ह्यांत सेवा देण्यासाठी सुमारे १० हजार रुपये आणि एका राज्यात आपली एजन्सी चालवण्यासाठी २५ हजार रुपयांपर्यंत खर्च येतो. परवाना मिळाल्यानंतर आपल्या एजन्सीला पसारा कायद्याचे सर्व निकष पाळावे लागतात. अशा प्रकारे, आपण हळूहळू आपला व्यवसाय वाढवू शकता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Business Idea of security guard agency check details on 30 March 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.