VIDEO | सुवेंदु अधिकारी यांनी माझ्याकडून लाच घेतली होती त्यांचं काय? मॅथ्यू सॅम्युअलचा सवाल

कोलकत्ता, १७ मे | बंगालच्या नारदा प्रकरणात पुन्हा एकदा केंद्रीय गुन्हे अन्वेषण (CBI) ने तपास सुरू केला आहे. सीबीआयने सोमवारी अनेक ठिकाणी छापेमारी केली. यानंतर ममता सरकारमधील मंत्री फिरहाद हाकिम, सुब्रत मुखर्जी, आमदार मदन मित्रा आणि माजी महापौर शोवन चॅटर्जी यांची चौकशी करुन सर्वांना अटक करण्यात आले. आता या सर्वांना कोर्टात हजर केले जाणार आहे. सीबीआय कोर्टाकडे या चौघांच्या कस्टडीची मागणी करू शकते.

या कारवाईदरम्यान पुन्हा एकदा केंद्र आणि बंगाल सरकार आमने-सामने आलेले दिसत आहेत. आपल्या मंत्र्यांच्या चौकशीदरम्यान मुख्यमंत्री ममता बॅनर्जी सीबीआयच्या कार्यालयात दाखल झाल्या. मिळालेल्या माहितीनुसार, यावेळी त्या सीबीआयला म्हणाल्या- मलाही अटक करा. सरकारच्या वकीलाने म्हटले की, नोटिस दिल्याशिवाय मंत्री आणि आमदारांना अटक करता येत नाही. ममता CBIच्या कार्यालयात गेल्यानंतर तृणमूल कार्यकर्तेही तेथे जमले आणि दगडफेक केली. यानंतर पोलिसांना सौम्य बळाचा वापर करावा लागला.

दरम्यान, या प्रकरणातील प्रमुख आणि स्ट्रिंग ऑपरेशन करणारे पत्रकार मॅथ्यू सॅम्युअल यांनी प्रसार माध्यमांशी बोलताना एक गंभीर प्रश्न उपस्थित केला आहे. या प्रश्न थेट टीएमसीतुन भाजपात गेलेल्या सध्या प. बंगालमध्ये विरोधीपक्षनेते असलेल्या सुवेंदु अधिकारी यांच्या बाबतीत केला आहे. सुवेंदु अधिकारी यांनी माझ्याकडून लाच घेतली होती त्यांचं काय? तसेच लाच घेतल्याचे आरोप मुकुल रॉय यांच्याबाबतीतही असल्याने त्यांच्यावरील कारवाईचं काय, असा थेट प्रश्न त्यांनी ऑन रेकॉर्ड उपस्थित केल्याने भाजपच्या देखील अडचणी वाढण्याची दाट शक्यता आहे.

VIDEO | सुवेंदु अधिकारी यांनी माझ्याकडून लाच घेतली होती त्यांचं काय? असा गंभीर प्रश्न नारदा स्टिंग ऑपरेशन करणारे मॅथ्यू सॅम्युअल यांनी उपस्थित केला आहे. लाच घेणारे सुवेंदु अधिकारी आणि मुकुल रॉय आता भाजपमध्ये आहेत. pic.twitter.com/AoyE033mqg

— महाराष्ट्रनामा न्यूज (@MahaNewsConnect) May 17, 2021

2016 मध्ये बंगालच्या विधानसभा निवडणुकीपूर्वी नारदा न्यूज पोर्टलने टेप जारी केले होते. या स्टिंग ऑपरेशननंतर दावा करण्यात आला की, टेप 2014 मध्ये रेकॉर्ड केले आहेत. टेपच्या हवाल्याने तृणमूलचे मंत्री, खासदार आणि आमदारांना डमी कंपन्यांकडून पैसे घेतल्याचा आरोप लावला होता. हायकोर्टाने 2017 मध्ये याचा तपास CBIकडे सोपवला होता.

News English Summary: What happened to Suvendu Adhikari? He also received money from me. It was recorded. And handed over to CBI. Justice has to go everywhere, in the same manner said Mathew Samuel a Man behind Narada Scam string operation.

News English Title: Mathew Samuel a journalist behind string operation of Narada Scam allegations on Suvendu Adhikari news updates.