26 October 2021 4:44 AM
अँप डाउनलोड

अनिल अंबानींचा रिलायन्स नेवल अॅन्ड इंजिनियरिंग लिमिटेडच्या संचालक पदाचा राजीनामा

मुंबई : कंपनी कायद्यातील तरतुदीनुसार अनिल अंबानी यांना रिलायन्स नेवल अॅन्ड इंजिनियरिंग लिमिटेडच्या संचालक पदाचा राजीनामा द्यावा लागला आहे. अनिल अंबानी यांच्या कंपनीकडून तशी अधिकृत माहिती शेयर मार्केटला दिली आहे.

BhagyaVivah Marathi Matrimonial

कंपनी कायद्यातील कंपनी अॅक्ट २०१३ च्या कलम १६५ च्या तरतुदींनुसार अनिल अंबानी यांनी आपल्या पदाचा राजीनामा दिला असल्याचे कंपनीने प्रसिद्ध केलेल्या पत्रकात म्हटलं आहे. कंपनी कायद्यातील या तरतुदीनुसार एकाच वेळी एकापेक्षा जास्त कंपन्यांमध्ये कंपनीचे संचालक म्हणून कोणीही राहू शकत नाही. रिलायन्स नेवल या कंपनीकडे युद्धनौका आणि करार तयार करण्यासाठी परवाना असून ती देशातील सर्वात मोठी शिपिंग कंपनी आहे.

याआधी अनिल अंबानींच्या रिलायन्स समूहाने नॅशनल हेराल्डविरूद्ध ५,००० कोटी रूपयांचा मानहानीचा खटला दाखल केला आहे. नॅशनल हेराल्डमध्ये छापण्यात आलेल्या एका लेखामुळे कंपनीने हा खटला दाखल केला होता. त्यानंतर महत्वाच्या राफेल लढाऊ विमानाच्या करारात गैरव्यवहार झाला असल्याचे म्हटले होते. नॅशनल हेराल्डने लिहिलेल्या एका बातमीमध्ये पंतप्रधान नरेंद्र मोदी यांनी राफेल कराराची घोषणा करण्याच्या केवळ अवघ्या दहा दिवस आधी अनिल अंबानींनी रिलायन्स डिफेन्सची सुरूवात केली असल्याचे त्या लेखात म्हटले होते.

हॅशटॅग्स

संबंधित बातम्या

राहुन गेलेल्या बातम्या

x