पेट्रोल दिवाळीत सामान्यांचं महागाईने दिवाळं काढणार, इंधन दर शतकाच्या दिशेने

मुंबई : देशभरात पेट्रोल दर शंभरी गाठण्याची शक्यता आहे. त्यात डिझेलने सुद्धा ८० चा टप्पा ओलांडला आहे. आज पुन्हा एकदा पेट्रोल तसेच डिझेलच्या दरात वाढ झाली आहे. आज मुंबईत पेट्रोल आणि डिझेलचे दर प्रत्येकी १३ पैशांनी महागले आहेत. यामुळे मुंबईकरांना आज पेट्रोलसाठी प्रति लिटर ९०.३५ रुपये आणि डिझेलसाठी प्रति लिटर ७८.८२ रुपये मोजावे लागत आहेत.

पेट्रोलने नव्वदी पार केल्याने आता हे दर शंभरीच्या दिशेने वेगाने वाटचाल करत आहेत. चालू आर्थिक वर्षात इंधनाचे दर चांगलेच भडकले आहेत. आतापर्यंत फक्त २९ मे ते ५ जुलैदरम्यान दरात घसरण झाली होती. त्यानंतर ६ जुलै ते २5 सप्टेंबरदरम्यान बहुतांश दिवस इंधनाचे दर वाढले. कच्च्या तेलाचे दर वाढत असल्याने देशांतर्गत इंधन महाग होत आहे. पण मोदी सरकारने आणि राज्य सरकारने लादलेले भरमसाट करसुद्धा या दरवाढीला कारणीभूत आहेत. कच्चे तेल महाग होत असतानाही दोन्ही सरकारे कर कमी करून सामान्यांना दिलासा देण्यास अजिबात तयार नाहीत. त्यातून दर भडकत असून, महागाईमुळे लोकांची होरपळ सुरू आहे.

त्यात दिवाळीत सामान्यांच महागाईमुळे दिवाळं निघू शकत, अशी शक्यता वर्तविण्यात येत आहे. दरम्यान विरोधक आणि प्रसार माध्यम महागाईवरून मोदी सरकारला म्हणावं तसं धारेवर धरताना दिसत नाहीत हे सुद्धा वास्तव सामान्यांच्या भविष्यातील अडचणी वाढवणारं ठरू शकत असं अनेक तज्ज्ञांना वाटतं आहे.

Petrol & Diesel prices in #Delhi are Rs 83.00 per litre & Rs 74.24 per litre, respectively. Petrol & Diesel prices in #Mumbai are Rs 90.35 per litre & Rs 78.82 per litre, respectively. pic.twitter.com/TjSe5hPTNS

— ANI (@ANI) September 27, 2018