शेअर बाजारात कोसळला , सेन्सेक्स तब्बल १००० अंकांनी घसरला

मुंबई : आंतरराष्ट्रीय शेअर मार्केटमधील घडामोडींमुळे आज भारतीय शेअर बाजारात तीव्र पडसाद उमटले आहेत. सकाळी शेअर बाजार उघडताच सेन्सेक्स १००० अंकांनी कोसळला आणि काही मिनिटात गुणवणूकदारांचं अरबो रुपयाचं पाणी झालं आहे. त्यात भर म्हणजे भारतीय रुपयाची घसरण सुद्धा सुरुच असून रुपयाने गुरूवारी ऐतिहासिक तळ गाठला आहे.

मागील काही दिवस भारतीय शेअर मार्केटमध्ये रोज पडझड सुरु असतानाच बुधवारी शेअर मार्केटमध्ये सेन्सेक्सने ४६१ अंकांची मुसंडी घेतली होती. त्यामुळे गुंतवणूकदारांना काहीसा दिलासा मिळाला होता. त्यामुळे गुंतवणूकदारांच्या संपत्तीत एकूण ३ लाख कोटींची भर पडली होती. परंतु, गुरुवारी शेअर मार्केट सुरू होताच सेन्सेक्स आणि निफ्टीत प्रचंड मोठी घसरण झाली आणि गुंतवणूकदारांना पुन्हा पडझडीच्या भूकंपाचा तडाखा बसला आहे.

आज गुरुवारी सकाळी शेअर मार्केट सुरू होताच सेन्सेक्स तब्बल ९०० अंकांनी खाली गेला. सेन्सेक्स १००० अंकांच्या घसरणीसह ३३, ८३३. २७ वर पोहोचला असून निफ्टीत सुद्धा ३०० अंकांची अशी मोठी घसरण झाली पाहायला मिळत आहे. निफ्टीचा निर्देशांक १०, १५९. ९० वर पोहोचला आहे. आंतरराष्ट्रीय शेअर बाजारातील मंदीचा फटका भारताच्या शेअर बाजारावर बसला असल्याचं तज्ज्ञांचं मत आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.