तुम्ही माझा अंत पाहू नका, SBI अध्यक्षांवर सीतारामन संतापल्या

नवी दिल्ली, १५ मार्च:  देशातील सर्वात मोठ्या सार्वजनिक बँकेचे बिरुद मिरवणाऱ्या स्टेट बँक ऑफ इंडियाचा (SBI) कारभार निर्दयी आणि अकार्यक्षम असल्याचे खडे बोल केंद्रीय अर्थमंत्री निर्मला सीतारामन यांनी बँकेच्या उच्चपदस्थांना सुनावले. २७ फेब्रुवारी रोजी गुवाहाटीमध्ये झालेल्या एका कार्यक्रमादरम्यान निर्मला सीतारामन यांनी हे वक्तव्य केले होते. त्यांच्या या भाषणाची ऑडिओ क्लीप आता समोर आली आहे.

चहाच्या मळ्यात काम करणाऱ्या कामगारांचे २.५ लाख खाते एसबीआयमध्ये अकार्यरत होते. ही गोष्ट निर्मला सीतारामन यांना कळाली आणि त्यांनी आपला संताप व्यक्त केला. ऑडिओ क्लीपमध्ये त्या एसबीआयचे चेअरमन रजनीश कुमार यांना असं विचारताना स्पष्ट ऐकायला येतं की, “तुम्ही किती वेळात ती सारी खाती पुन्हा कार्यरत करणार आहात?” त्यावर रजनीश कुमार सांगतात की, “यासाठी रिझर्व्ह बँकेकडून परवानगी घ्यावी लागेल. त्यासाठी एक आठवडा जाईल.”

रजनीश कुमार यांच्या उत्तरावर निर्मला सीतारामन प्रचंड संतापल्या. तुम्ही माझा अंत पाहू नका. एसबीआयचे अध्यक्ष तुम्ही यासाठी मला दिल्लीत येऊन भेटा. हा मुद्दा मी असाच सोडून देणार नाही. हा कामातील बेजबाबदारपणा आहे. या अपयशासाठी तुम्हीच जबाबदार आहात. दिल्लीत या, आपण यावर सविस्तर बोलू. तुम्ही मजुरांची खाती सुरु करायला पाहिजेत. तुमच्या या आडमुठ्या कारभारामुळे मजुरांचे नुकसान होता कामा नये, असे निर्मला सीतारामन यांनी म्हटले. दरम्यान, सीतारामन यांच्या या वक्तव्याचा ऑल इंडिया बँक ऑफिसर्स कॉनफेडरेशन (एआयबीओसी) असोसिएशनने निषेध केला आहे.

News English Summery: Union Finance Minister Nirmala Sitharaman on Monday said that the State Bank of India (SBI), which is the largest public bank in the country, was ruthless and inefficient. Nirmala Sitharaman made this statement during an event in Guwahati on February 27. An audio clip of his speech has now surfaced. SBI accounts of 2.5 lakh workers working in tea mills were inactive. Nirmala Sitharaman learned of this and expressed his anger. In the audio clip, SBI Chairman Rajneesh Kumar gets a clear voice asking, “How long are you going to get those accounts working again?” On this, Rajneesh Kumar says, “This will require permission from the Reserve Bank. It will take a week.

News English Title: Story SBI heartless inefficient Finance Minister Nirmala Sitharaman angry over SBI chairman Rajnish Kumar.