6 July 2020 4:06 AM
अँप डाउनलोड

बेरोजगारीत अडीज वर्षातील सर्वाधिक वाढ: सीएमआयई अहवाल

Unemployment, India

नवी दिल्ली : भारतातील बेरोजगारीचा दर वाढला असून मागील २.५ वर्षातील हा बेरोजगारीचा सर्वाधिक मोठा आकडा असल्याचे सिद्ध झालं आहे. सेंटर फॉर मॉनिटरींग इंडियन इकॉनॉमी म्हणजेच सीएमआयईच्या अहवालानुसार फेब्रुवारी २०१९ मध्ये मासिक बेरोजगारीच्या दरात मोठी वाढ झाली आहे. फेब्रुवारी २०१८ मध्ये बेरोजगारीचा दर ५.९ टक्के होता, तो यंदा ७.२ टक्के एवढा वाढला आहे.

BhagyaVivah Marathi Matrimonial

सीएमआयई या सस्थेकडून प्रत्येक महिन्याला बेरोजगारीसंदर्भातील अहवाल सादर करण्यात येतो. अनेक अर्थतज्ञांच्या टीमकडून या संस्थेच्या अहवालाची पडताळणी होत असते. त्यानुसार, फेब्रुवारी २०१९ चा बेरोजगारी अहवाल या संस्थेकडून अधिकृतरीत्या जाहीर करण्यात आला आहे. या अहवालातील आकडेवारीनुसार देशातील बेरोजगारीचं प्रमाण प्रचंड वाढलं असून फेब्रुवारी महिन्यातील बेरोजगारी वृद्धीचा दर ७.२ हा गेल्या अडीज वर्षातील सर्वाधिक ठरला आहे. तर दुसरीकडे सप्टेंबर २०१६ मध्ये बेरोजगारी वृद्धीचा दर ५.९ टक्के एवढा राहिला होता.

आगामी लोकसभा निवडणुकांच्या पार्श्वभूमीवर नरेंद्र मोदी सरकारमधील मंत्र्यांकडून मोठ्या प्रमाणात रोजगार दिल्याचं सांगण्यात येत आहे. परंतु, बेरोजगारीची वाढती आकडेवारी नरेंद्र मोदी सरकारला डोकेदुखी ठरू शकते. याआधी देखील एका अहवालातून मागील ४५ वर्षातील सर्वाधिक बेरोजगारी यंदाच्या वर्षात असल्याचं स्पष्ट झालं होतं. नॅशनल सँपल सर्व्हे ऑर्गनायझेशनने सदर अहवाल त्यावेळी प्रसिद्ध केला होता. त्यानंतर, नरेंद्र मोदी सरकारवर विरोधकांकडून जोरदार टीका झाली होती. तर, मोदी सरकारने हा अहवाल चुकीचा असल्याचं सांगत आरोप फेटाळले होते. नोटबंदी आणि GST या निर्णयाचा लहान-सहान उद्योगांना फटका बसला होता. त्यामुळेही बेरोजगारीच्या प्रमाणात वाढ झाल्याचं सांगण्यात येत होते.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Narendra Modi(1239)

संबंधित बातम्या

राहुन गेलेल्या बातम्या

x