Naga Chaitanya Sobhita Dhulipala | सुपरस्टार नागा चैतन्य आणि शोभिता धुलीपाला हे दोन कपल्स लवकरच लग्न बंधनात अडकणार आहेत. दक्षिणात्य अभिनेता नागा चैतन्य आणि शोभिताचे साखरपुडा दरम्यानचे फोटोज सोशल मीडियावर चांगलेच वायरल झाले होते.
साखरपुड्याच्या फोटोजनंतर शोभिता धुलीपाला ही लग्नाच्या विधींमध्ये व्यस्त असल्याची पाहायला मिळत आहे. शोभिताने हळद कुटताना त्याचबरोबर जात्यावर दळण दळतानाचे पारंपारिक आणि सुबक असे फोटो इंस्टाग्राम अकाउंटवर आपल्या चाहत्यांबरोबर शेअर केले आहेत. त्याचबरोबर शोभिताने लग्नाआधीच्या सर्व विधी दक्षिणात्य पद्धतीनेच केल्या आहेत. ज्यामध्ये तिने फोटोज पोस्ट करत कॅप्शन लिहिलंय की, ‘गोधुमा राय पुसूपु विधी’ सुरुवात झाली’. अशा पद्धतीचं सुंदर कॅप्शन शोभिताने लिहिलं आहे. तिच्या या पोस्टला अनेकांकडून प्रेम आणि शुभेच्छा मिळाल्या आहेत.
शोभिताचा सुंदर लूक :
लग्नाच्या विधींचे फोटो शेअर करत शोभिता आणि नागा चैतन्य यांनी चाहत्यांची उत्सुकता आणखीनच वाढवली आहे. अनेकजण त्यांच्या लग्नाची आतुरतेने वाट पाहत आहेत. नागा चैतन्य यांचं हे दुसरे लग्न असणार असून दोघेही अतिशय आनंदात दिसत आहेत.
View this post on Instagram
अभिनेता नागा चैतन्य यांनी आत्तापर्यंत दक्षिणात्य सिनेसृष्टी गाजवून चाहत्यांच्या मनावर अधिराज्य गाजवलं आहे. कस्टडी, तांडेल, माजीली, तडाखा यांसारख्या अनेक चित्रपटांमध्ये सुपर डुपर हिट एक्टिंग केली आहे. त्याचबरोबर त्यांना सर्वोत्कृष्ट अभिनेता पुरस्काराने सन्मानित देखील करण्यात आलं आहे.
