Pimple Care Tips | मुरुमांना करा दुर, यावर घरीच करा रामबाण उपाय, सौंदर्य टिकविण्यासाठी टिप्स फॉलो करा

Pimple Care Tips | मुले असोत किंवा मुली, मुरुम ही एक अशी समस्या आहे, जी कोणालाही आणि कोणत्याही वयात उद्भवू शकते. एकदा का हे पिंपल्स तुमच्या आयुष्यात आले की मग त्यापासून सुटका करणे सोपे नसते. ते कधीही तुमच्या चेहऱ्यावर येऊ शकतात. बरेच लोक ते फोडण्याची चूक करतात, मात्र ते अजिबात करू नये.

मुरुम तोडल्याने ते वाढू शकते, संसर्ग पसरू शकतो किंवा चेहऱ्यावर काळे डाग होऊ शकतात. जर तुम्हाला ते सहज आणि कोणत्याही त्रासाशिवाय दूर करायचे असेल तर आम्ही तुम्हाला काही टिप्स देणार आहोत.

मुरुमांसाठी सोप्या टिप्स
1. चेहऱ्यावर मुरुम दिसताच त्यावर टी ट्री ऑइल आणि एलोवेरा जेल मिक्स करून लावा तसेच या दोन्हीमध्ये अँटी-बॅक्टेरियल गुणधर्म आहेत.
2. झोपण्यापूर्वी चेहरा धुतल्यानंतर त्यावर मुलतानी माती आणि गुलाब जेल मिक्स करून तयार केलेला फेस पॅक लावावा, आणि नंतर ते धुवून चेहऱ्यावर टोनर, मॉइश्चरायझर लावून घ्या. मुलतानी मातीचा हा फेस पॅक पिंपल्सवर लावूनही तुम्ही झोपू शकता तसेच सकाळी ते धुवून टाका.
3. जर तुम्हाला अचानक कुठेतरी जावे लागले तर चेहरा लपवण्यासाठी तुम्ही कन्सीलर वापरू शकणार आहात. पिंपलवर कन्सीलर लावा आणि चांगले मिसळून घ्या यामुळे पिंपल लपवेल आणि त्यामुळे होणारा लालसरपणा दिसणार नाही.
4. याशिवाय तुम्ही त्यात कडुलिंब किंवा तुळस घालून बनवलेला फेस पॅक वापरू शकता तसेच कडुनिंब आणि तुळशी या दोन्हीमध्ये अँटी-बॅक्टेरियल गुणधर्म असतात जे तुमच्या चेहऱ्याला चमकदार बनवतात.
5. सतत मास्क घातल्यामुळे चेहऱ्यावर मुरुम येतात त्यामुळे यासाठी खास फेस पॅक तयार करा. यासाठी बेसन, दूध, बदामाचे तेल आणि हळद यांची गरज आहे, हे सर्व एकत्र करून पेस्ट बनवा व आता चेहऱ्यावर लावा आणि कोरडे होऊ द्या. कोरडे झाल्यावर पाण्याने चेहरा स्वच्छ धुवा. यानंतर चेहऱ्यावर टोनर, मॉइश्चरायझर लावायला विसरू नका.
6. जर तुम्हाला तुमच्या चेहऱ्यावर मुरुमांची समस्या वारंवार येत असेल तर तेल, मसाले आणि दुग्धजन्य पदार्थ आहारातून काढून टाका. झोपण्यापूर्वी मेकअप काढा आणि सनस्क्रीन लावायला विसरू नका.