Health Alert | राज्यात अमरावतीच्या बडनेऱ्या गावांत २८ कोंबड्यांचा अचानक मृत्यू

अमरावती, १० जानेवारी: देशात बर्ड फ्लूचा म्हणजेच एवियन इन्फ्लुएंजाचा धोका वाढला आहे. भारतातील एकूण 7 राज्यांमध्ये बर्ड फ्लूचा संसर्ग झाल्याचं समोर आलंय. यात केरळ, राजस्थान, मध्यप्रदेश, हिमाचल प्रदेश, हरियाणा, गुजरात आणि उत्तर प्रदेशचा समावेश आहे. याशिवाय छत्तीसगड, महाराष्ट्र आणि दिल्लीत देखील पक्षांचे संशयास्पद मृत्यू झाले आहेत. याचा अंतिम अहवाल येणं बाकी आहे. त्यामुळे हे अहवालाकडे सर्वांचेच लक्ष लागून आहे. केंद्रीय मत्स्यपालन, पशुपालन आणि डेअरी मंत्रालयाने ही माहिती दिली.

Bird flu cases confirmed in 13 districts of Madhya Pradesh: Official

— Press Trust of India (@PTI_News) January 10, 2021

Bird flu: 356 more birds die in Rajasthan as death count rises to 2,512, says official

— Press Trust of India (@PTI_News) January 9, 2021

आता महाराष्ट्राच्या चिंतेत भर घालणारी माहिती पुढे आली आहे. राज्यातील अमरावतीच्या बडनेऱ्यात गावांत २८ कोंबड्या दगावल्याची माहिती समोर आली आहे. बडनेऱ्यात राहणारे उमेश गुळरांधे, नलिनी फेंडर, गजानन कडव, अजय चोरआमले यांच्याकडील एकूण २८ कोंबड्या मृत्युमुखी पडल्या. अचानक जमिनीवर कोसळून कोंबड्या मृत्युमुखी पडल्या, अशी माहिती त्यांनी पशुवैद्यकीय दवाखान्याला दिली.

विशेष म्हणजे या सर्व कोंबड्यांना पांढरी शौच झाल्याचे त्यांनी सांगितले. आधीच कोरोनाचं संकट असताना, आता बर्ड फ्लूने हातपाय पसरायला सुरुवात केल्याने नागरिकांमध्ये भीतेचे वातावरण निर्माण झाले आहे.

News English Summary: Information that has added to Maharashtra’s concerns has come forward. It has come to light that 28 hens were slaughtered in Badnera village of Amravati in the state. A total of 28 hens belonging to Umesh Gulrandhe, Nalini Fender, Gajanan Kadav and Ajay Choramle living in Badnera died. The hens suddenly fell to the ground and died, he informed the veterinary hospital.

News English Title: Sudden death of Hens at Amaravati alert on Bird Flu news updates.