Guru Rashi Parivartan | गुरु राशी परिवर्तन 'या' 3 राशींसाठी वरदान ठरणार, तुमची नशीबवान राशी आहे यामध्ये?

Guru Rashi Parivartan | गुरू ग्रहाला देवगुरू आणि गुरू असेही म्हणतात. गुरू संथ गतीने भ्रमण करतो. गुरू सध्या मेष राशीत विराजमान आहे. गेल्या वर्षी 22 एप्रिल रोजी गुरूने मेष राशीत प्रवेश केला होता. आता जवळपास 12 महिने 8 दिवसांनंतर गुरू आपली राशी बदलणार आहे. 1 मे रोजी गुरू शुक्राच्या वृषभ राशीत भ्रमण करेल. गुरूच्या शुभ स्थितीमुळे जीवनात सुख-समृद्धी वाढते. जाणून घेऊया वृषभ राशीत प्रवेश करून गुरू कोणत्या राशींमध्ये चमकणार आहे.

कन्या राशी
वृषभ राशीत गुरूच्या प्रवेशाचा कन्या राशीच्या लोकांना फायदा होईल. तुमची रखडलेली कामे पुन्हा मार्गी लागतील. करिअरमध्ये पदोन्नती मिळवण्यासाठी तुम्हाला अनेक महत्त्वाची कामे मिळू शकतात, जी तुम्हाला चांगल्या प्रकारे करावी लागतील. घरात समृद्धी येईल. कामाच्या अनुषंगाने परदेश प्रवास संभवतो. मुलांच्या बाजूने ही चांगली बातमी मिळेल. पैसा येण्याचे नवे मार्ग खुले होण्यास उत्तम काळ असेल.

सिंह राशी
सिंह राशीच्या लोकांसाठी गुरूचे वृषभ राशीतील संक्रमण खूप फायदेशीर ठरू शकते. व्यावसायिक क्षेत्रात परकीय व्यवहार होऊ शकतात. जीवनसाथीसोबत सुरू असलेल्या अडचणी हळूहळू संपुष्टात येतील. गुरूच्या शुभ प्रभावाने तुमची आर्थिक स्थितीही सुधारेल. कुटुंबात आनंदाचे वातावरण राहील. कुटुंबात येणाऱ्या पैशाचे स्रोत वाढण्यास सुरुवात होईल.

वृषभ राशी
धन आणि विवाहाचा कारक असलेल्या गुरूचा आपल्या राशीत प्रवेश लाभदायक मानला जातो. तुमची आर्थिक स्थिती अगोदरच सुधारेल. खर्चातही वाढ होऊ शकते. त्यामुळे तुमचे बजेट लक्षात ठेवा. या काळात नवीन कामाची सुरुवात शुभ राहील. वैवाहिक जीवनही मधुर राहील. पैशा संबंधित नवे मार्ग खुले होऊन आर्थिक सुधार होण्यास उत्तम काळ आहे.

News Title : Guru Rashi Parivartan effect on these 3 zodiac signs 18 April 2024.