20 August 2022 11:40 AM
अँप डाउनलोड
बातम्या फ्लॅश
Multibagger Penny Stocks | सलग 4 अप्पर सर्किटमुळे 1 महिन्यात 90 टक्के परतावा, या 8 रुपयाच्या शेअरच्या खरेदीसाठी ऑनलाईन गर्दी Personal Finance Tips | आपली आर्थिक परिस्थिती कशी सुधारावी, संकटकाळासाठी आपत्कालीन निधी कसा तयार करावा? Multibagger Stocks | असा जबरदस्त स्टॉक निवडा, 92 रुपयाच्या शेअरने 1 लाखाच्या गुंतवणुकीचे 4.5 कोटी केले, स्टॉकबद्दल जाणून घ्या Credit Card Benefits | प्रत्येक वेळी खरेदी करताना तुम्ही तुमचे क्रेडिट कार्ड का वापरावे, जाणून घ्या 10 मोठे फायदे EPFO Money Alert | नोकरदारांनी या चुका केल्यास बंद होईल तुमचं ईपीएफ खातं, जाणून घ्या ईपीएफओचे महत्त्वाचे नियम Viral Video | होमवर्क पासून सुटकेचा जबरदस्त उपाय, चिमुकल्याने सुरु केली टिचरची स्तुती, मजेदार व्हिडिओ व्हायरल NEFT Transactions Fee | बँकेच्या ब्रान्चमधून एनईएफटीचा वापर महागणार? आरबीआयचा 25 रुपये शुल्क आकारण्याचा प्रस्ताव
x

Shivsena Hijacked | 'मूळ पक्ष' शिवसेना आणि 'धनुष्यबाण' मिळवण्यासाठी भाजपची विशेष टीम शिंदेंच्या मदतीला

Shivsena Hijacked

Shivsena Hijacked | शिवसेनेचा ‘धनुष्यबाण’ मिळवण्यासाठी शिंदे हे कायदेशीर लढाई लढवतील अशी शक्यता व्यक्त केली जात आहे. शिवसेनेचे दोन तृतीयांश आमदार शिंदेंच्या गोटात असल्याची माहिती समोर येत आहे. ‘मूळ पक्ष’ म्हणून दर्जा मिळवण्याचेही एकनाथ शिंदेंचे प्रयत्न आहेत, अशी माहिती आहे. यासाठी भाजपची टीम मदत करत असल्याची देखील माहिती आहे. स्वतः देवेंद्र फडणवीस आणि नरेंद्र मोदी देखील या विषयात लक्ष घालून असल्याची माहिती दिल्लीच्या गोटातून समोर येते आहे. यासाठी २-३ महिने आधीच फिल्डिंग लावली होती असं वृत्त आहे. हा गट पूर्णपणे भाजप ऑपरेट करेल अशी शक्यता बळावत आहे.

उद्धव ठाकरे यांच्या निवेदनानंतर शिवसेनेचे आणखी आमदार शिंदे गटाला जाऊन मिळाले आहेत. माहिमचे आमदार सदा सरवणकर, कुर्लाचे आमदार मंगेश कुडाळकर आणि माजी गृह राज्यमंत्री दीपक केसरकरही गुवाहाटीत पोहोचले आहेत. त्यामुळे शिंदेंना आवश्यक असलेल्या आकड्याची बेरीज जवळपास झाली असल्याचं दिसतंय. दुसरीकडे एकाच वेळी दोन तृतीयांश आमदार फुटल्याने शिवसेनेच्या बाजूने बोटावर मोजण्याइतकेच आमदार शिल्लक राहिले आहेत.

पुढे काय होणार :
एकनाथ शिंदे यांनी शिवसेनेला मोठा धक्का दिल्याने आता राज्यात मोठा राजकीय भूकंप होण्याची चिन्हं आहेत. एकनाथ शिंदे हे सर्व आमदारांची खात्री झाल्यानंतर राज्यपालांची भेट घेणार असल्याचं सांगितलं जातंय. एकनाथ शिंदे यांनी शिवसेना पक्षावर दावा केल्यानंतर उद्धव ठाकरेंसाठी आणखी मोठा धक्का असणार आहे.

शक्यता क्रमांक १ :
शिवसेनेचे ५५ आमदार आहेत. जर एकनाथ शिंदे ३७ आमदार किंवा त्यापेक्षा जास्त आमदारांचा गट म्हणजेच आमदारांच्या संख्येच्या दोन तृतीयांश आमदारांची एकजूट करण्यात यशस्वी झाले तर तर त्यांच्या गटावर पक्षांतर बंदीच्या कायदान्वये कारवाई होणार नाही. तसं घडल्यानंतर भाजप अविश्वास प्रस्ताव आणला आणि एकनाथ शिंदे यांच्या गटाने जर भाजपला पाठिंबा दिला तर महाविकास आघाडी सरकार कोसळून भाजपची सत्ता येईल.

शक्यता क्रमांक २ :
जर भाजपने अविश्वास प्रस्ताव आणला त्यानंतर जर एकनाथ शिंदे यांच्या गटाने महाविकास आघाडीच्या विरोधात मतदान केलं तर ती मतं अयोग्य ठरवली जातील. या जागांवर पुन्हा निवडणूक होईल. त्यानंतर शिवसेनेचं भवितव्य अयोग्य ठरणाऱ्या आमदारांच्या संख्येवर अवलंबून असेल.

तिसरी शक्यता :
जर बंडखोर आमदारांनी राजीनामा दिला तर सभागृहातील सदस्यांची संख्या कमी होईल. त्यानंतर सरकारचं भवितव्य हे राजीनामा देणाऱ्या आमदारांच्या संख्येवर अवलंबून असेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Shivsena Hijacked by leader Eknath Shinde next what check details 23 June 2022.

हॅशटॅग्स

#Shivsena Hijacked(2)

संबंधित बातम्या

राहुन गेलेल्या बातम्या

x