16 August 2022 9:36 PM
अँप डाउनलोड
बातम्या फ्लॅश
Numerology Horoscope | 17 ऑगस्ट, बुधवारसाठी तुमचा लकी नंबर आणि शुभ रंग कोणता असेल, काय सांगतं अंकज्योतिष शास्त्र Balaji Solutions IPO | बालाजी सोल्यूशन्स आयपीओ लाँच करणार, गुंतवणुकीपूर्वी कंपनीचा तपशील जाणून घ्या Multibagger Stocks | लॉटरीच लागली! या शेअरच्या गुंतवणूकदारांना 9000 टक्क्यांचा मल्टिबॅगर परतावा आणि मल्टिबॅगर डिव्हीडंड सुद्धा Investment Schemes | सर्वात जास्त परतावा आणि टॅक्स बचत करणाऱ्या सरकारी योजना कोणत्या?, नफ्याच्या योजनांची माहिती जाणून घ्या PPF Account Money | तुम्हाला पीपीएफ खात्यातील गुंतवणुकीचे पैसे मुदतीपूर्वी काढता येतात, संपूर्ण प्रक्रिया जाणून घ्या Horoscope Today | 17 ऑगस्ट 2022 | तुमच्या राशीनुसार तुमचा बुधवारचा दिवस कसा असेल जाणून घ्या वंदे मातरम् चळवळ उत्तम | आता जनतेने, पत्रकारांनी आणि विरोधकांनी वंदे मातरम् बोलतच भाजपला महागाई, बेरोजगारीवर प्रश्न विचारानं गरजेचं
x

Twitter Report | पत्रकार, मीडिया संस्थांच्या ट्विटवर सरकारची बारीक नजर?, जगात असे ट्विट हटवण्यात भारत आघाडीवर - रिपोर्ट

Twitter Report India

Twitter Report | पत्रकार आणि मीडिया संस्थांनी केलेले ट्विट काढून टाकण्याची मागणी करणाऱ्या देशांमध्ये भारत पहिल्या क्रमांकावर आहे. ट्विटरने नुकत्याच दिलेल्या एका रिपोर्टमध्ये हा दावा करण्यात आला आहे. या अहवालानुसार, जुलै ते डिसेंबर 2021 या कालावधीत मान्यताप्राप्त पत्रकार आणि मीडिया संस्थांकडून ट्विट काढून टाकण्यासाठी ट्विटरला प्राप्त झालेल्या सर्व कायदेशीर विनंत्यांमध्ये भारताचा वाटा सर्वात मोठा आहे.

पारदर्शकतेच्या अहवालानुसार :
मायक्रोब्लॉगिंग वेबसाइटच्या नुकत्याच प्रसिद्ध झालेल्या पारदर्शकतेच्या अहवालानुसार, ट्विटर अकाउंट्सशी संबंधित माहिती विचारण्याच्या बाबतीत भारत केवळ अमेरिकेपेक्षा मागे राहिला. ट्विटरकडून मागवलेल्या अशा माहितीत भारताचा वाटा जगाच्या 19 टक्के इतका होता. या अहवालानुसार, जुलै ते डिसेंबर 2021 दरम्यान सर्व प्रकारच्या युजर्सच्या कंटेंटवर बंदी घालण्यासाठी जारी करण्यात आलेल्या एकूण आदेशांच्या संख्येच्या बाबतीत भारत पहिल्या 5 देशांमध्ये देखील आहे.

पत्रकार-मीडिया संस्थांच्या 349 ट्विटर अकाऊंटवरील कंटेंट :
ट्विटरच्या रिपोर्टनुसार, जुलै-डिसेंबर 2021 दरम्यान जगभरातील व्हेरिफाइड पत्रकार आणि मीडिया संस्थांच्या 349 ट्विटर अकाऊंटवरील कंटेंट काढून टाकण्यासाठी कायदेशीर विनंत्या आल्या होत्या. गेल्या सहा महिन्यांत म्हणजेच जानेवारी ते जून २०२१ या कालावधीत प्राप्त झालेल्या अशाच प्रकारच्या कायदेशीर विनंतीपेक्षा ही संख्या १०३ टक्क्यांनी अधिक आहे.

सर्वात मोठा वाटा भारताचा :
ट्विटरच्या अहवालात म्हटले आहे की, या वाढीमध्ये सर्वात मोठा वाटा आहे तो भारत, तुर्की, रशिया आणि पाकिस्तान या देशांनी घेतलेल्या कायदेशीर आक्षेपांचा. भारताने ११४, तुर्कीने ७८, रशियाने ५५ आणि पाकिस्तानने ४८ कायदेशीर आक्षेप नोंदवले आहेत.

कायदेशीर आक्षेपांच्या बाबतीत भारत पहिल्या क्रमांकावर :
यापूर्वी जानेवारी ते जून 2021 या कालावधीत दाखल झालेल्या कायदेशीर आक्षेपांच्या बाबतीत भारत पहिल्या क्रमांकावर होता. त्या काळात ट्विटरला भारताकडून अशा प्रकारच्या ८९ कायदेशीर विनंत्या किंवा मागण्या आल्या होत्या. ट्विटरच्या म्हणण्यानुसार, या “कायदेशीर मागण्यांमध्ये” सरकारी विभाग किंवा अधिकाऱ्यांकडून सामग्री आणि सूचना काढून टाकण्याचे न्यायालयाचे आदेश समाविष्ट आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Twitter Report India globally on Tops in seeking removal of journalists Twitter Posts says Report 29 July 2022.

हॅशटॅग्स

#Twitter Report India(1)

संबंधित बातम्या

राहुन गेलेल्या बातम्या

x