बातम्या फ्लॅश

Bank FD Interest Rates | सुरक्षित भरघोस कमाई! 1 वर्षापर्यंतच्या FD वर मिळेल 8.5 टक्के परतावा, पाहा बँकांची यादी Smart Investment | दर महिन्याला करा रु.5000 ची गुंतवणूक, मुलांच्या उच्च शिक्षण आणि लग्नकार्यावेळी 57 लाख मिळतील Post Office Interest Rate | पोस्ट ऑफिसची खास योजना, जेवढी गुंतवणूक कराल, त्याहून अधिक परतावा व्याजातून मिळेल 7th Pay Commission | सरकारी कर्मचाऱ्यांसाठी मोठी अपडेट! DA पासून HRA पर्यंत होणार मोठी सुधारणा, किती रक्कम वाढणार? Horoscope Today | तुमचे गुरुवारचे राशिभविष्य | 25 एप्रिल 2024 | तुमच्या राशीनुसार तुमचा गुरुवारचा दिवस कसा असेल जाणून घ्या Budh Rashi Parivartan | बुध ग्रह मार्गी होणार, या 3 राशींची लोकं ठरणार नशीबवान, तुमची राशी कोणती? Vodafone Idea Share Price | व्होडाफोन आयडिया शेअर्स तेजीच्या दिशेने, पुढे 100 टक्के परतावा देईल, काय म्हटले तज्ज्ञांनी?

Marathi News » India » VIDEO: ‘बलात्काराचे वेगळे नेचर असते’, भाजपा मंत्र्याचं संतापजनक विधान

VIDEO: 'बलात्काराचे वेगळे नेचर असते', भाजपा मंत्र्याचं संतापजनक विधान

महाराष्ट्रनामा.कॉम | Updated: 5 वर्षांपूर्वी | By विजय केळकर

Narendra Modi, Amit Shah, BJP, Yogi Adityanath

लखनऊ : यूपीत सतत महिलांवर अत्याचार होत असल्याच्या घटना सातत्याने समोर येत आहेत. त्यात भर म्हणजे मुख्यमंत्री योगी आदित्यनाथ सरकारमधील एका मंत्र्याने धक्कादायक विधान केल्याने संतप्त प्रतिक्रिया उमटत आहेत. उपेंद्र तिवारी असे या भारतीय जनता पक्षाच्या मंत्र्याचे नाव असून त्यांनी बलात्कार वेगवेगळ्या नेचरचा असतो, असे संतापजनक विधान केले आहे.

यूपीत अत्याचाराच्या घटनांमध्ये सातत्याने वाढ झाल्याबाबत प्रसार माध्यमांकडून विचारण्यात आलेल्या प्रश्नाला उत्तर देताना उपेंद्र तिवारी म्हणाले, “बलात्काराचे वेगळे नेचर असते. आता जर कोणत्या अल्पवयीन मुलीसोबत बलात्कार झाला तर त्याला आम्ही बलात्कार समजू. परंतु, काही ठिकाणी असे [पाहायला मिळत आहे की, विवाहित महिला आहेत. त्यांचे ३०-३५ वय आहे. त्याचे वेगवेगळे नेचर आहे.”

#WATCH UP Minister Upendra Tiwari: Dekhiye rape ka nature hota hai, ab jaise agar koi nabalig ladki hai uske sath rape hua hai toh usko to hum rape manenge, lekin kahin-kahin pe ye bhi sunne ko aata hai ko ki vivahit mahila hai, umar 30-35 saal hai….uska alag-alag nature hai pic.twitter.com/Ou1AMPsvGB

— ANI UP (@ANINewsUP) June 9, 2019

याचबरोबर, उपेंद्र तिवारी म्हणाले पुढे म्हणाले की, “सर्व अशा घटना असतात, सर्व गोष्टी पाहायला मिळतात की, जसे एखादी तरुणी आहे. तिचा ७-८ वर्षांपासून प्रेम प्रपंच सुरु आहे. मात्र तरी सुद्धा असे पाहायला मिळते की तिच्यासोबत असे (बलात्कार) काही झाले, तर साधा प्रश्न आहे की तिने ७ वर्षांपूर्वी हा प्रश्न उपस्थित का केला नाही. अशा प्रकारे सर्व विसंगती असून वेगवेगळे नेचर आहे. अशा प्रकारच्या घटना आहेत, त्यावर स्वत: युपीचे मुख्यमंत्री योगी आदित्यनाथ माहिती घेऊन कारवाई करत आहेत.”

दरम्यान, यूपीतील अलीगड येथे अडीच वर्षाच्या मुलीच्या हत्येमुळे खळबळ उडाली आहे. या मुलीच्या हत्येबाबत अतिशय खळबळजनक सत्य समोर येत असून, अनेक यातना देऊन या मुलीची हत्या करण्यात आल्याचे तसेच तिच्या शरीरावर अनेक जखमा असल्याचे सत्य समोर आले आहे. या मुलीच्या हत्येप्रकरणी एका महिलेसह अजून २ जणांना अटक करण्यात आली आहे. त्यामुळे या हत्या प्रकरणात अटक आरोपींची संख्या ४ झाली आहे. पैशांच्या देवाणघेवाणीतून झालेल्या वादाचा बदला घेण्यासाठी मुलीची हत्या करण्यात आल्याचे समोर आले आहे.