CBSE बोर्डाने दहावीचे निकाल सर्व शाळांना आणि विद्यार्थ्यांना इमेलवर पाठविले

नवी दिल्ली, १५ जुलै : CBSE बोर्डानं सोमवारी बारावीचे निकाल जाहीर केल्यानंतर आता आज दहावीचेही निकाल जाहीर केले आहेत. लॉकडाऊन आणि कोरोनामुळे उर्वरित परीक्षा रद्द केल्यानंतर CBSE बोर्डानं आज अखेर निकाल जाहीर केले आहेत. विद्यार्थी आपले निकाल CBSEच्या अधिकृत वेबसाइट cbse.nic.in, cbseresults.nic.in आणि results.nic.in वर पाहू शकतात.

दरम्यान CBSE बोर्डाच्या वेबसाईटवर विद्यार्थी आणि पालकांना अनेक अडथळे येत आहेत. काही वेळ वेबसाईट बंद पडल्याचं पाहायला मिळालं. मात्र CBSE बोर्डाकडून प्रसिद्ध करण्यात आलेल्या अधिकृत माहितीनुसार सर्व शाळांच्या ई-मेलवर विद्यार्थ्यांचे निकाल पाठविण्यात आले आहेत. त्याप्रमाणे विद्यार्थी निकाल शाळेतून निकाल प्राप्त करू शकतात असं म्हटलं आहे.

2/2 @DrRPNishank @airnewsalerts @DDNewslive @PIB_India Class X results are also being sent to students through SMS , email and can can also be accessed through digilocker.

— CBSE HQ (@cbseindia29) July 15, 2020

1/2 Complete class X results have been sent to all schools and can be checked from official e mails IDs created for each school .students can obtain their results from schools.

— CBSE HQ (@cbseindia29) July 15, 2020

यंदा १८ लाख ८५ हजार ८८५ विद्यार्थ्यांनी परीक्षेसाठी नोंदणी केली होती. त्यातील १८ लाख ७३ हजार १५ विद्यार्थ्यांनी परीक्षा दिली. त्यातील १७ लाख १३ हजार १२१ विद्यार्थी पास झाले आहेत. केंद्रीय मुनष्यबळ विकास मंत्री रमेश पोखरियाल निशंक यांनी बुधवारी निकाल जाहीर होईल अशी घोषणा केली होती. विद्यार्थी वेबसाईट्स याशिवाय एसएमएस, डिजीलॉकर आणि उमंग अ‍ॅपच्या माध्यमातून निकाल पाहू शकणार आहेत.

सीबीएसई दहावीच्या निकालात यंदा त्रिवेंद्रम विभागाने बाजी मारली आहे. त्रिवेंद्रम विभागाचा निकाल ९९.२८ टक्के लागला आहे. त्या पाठोपाठ चेन्नई दुसऱ्या (९८.९५ टक्के निकाल), बंगळुरू तिसऱ्या (९८.२३ टक्के निकाल) तर पुणे चौथ्या (९८.०५ टक्के निकाल) स्थानावर आहे. पाचव्या स्थानावर अजमेर (९६.९३ टक्के निकाल) विभाग आहे.

News English Summary: CBSE class X results have been sent to all schools and can be checked from official e mails IDs created for each school. Students can obtain their results from schools.

News English Title: CBSE class X results have been sent to all schools on official e mails IDs created for each school News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.