पायलट जमिनीवर | राहुल आणि प्रियांका गांधी यांच्या भेटीनंतर घरवापसीची शक्यता

जयपूर, १० ऑगस्ट : राजस्थानात विधीमंडळाचे सत्र सुरू होण्यापूर्वीच राजकीय हालचालींची गती वाढली आहे. पक्षासोबत बंडखोरी करणारे सचिन पायलट यांनी सोमवारी राहुल गांधी आणि प्रियंका गांधी वाड्रा यांची भेट घेतली. सांगितले जात आहे की तिघांमध्ये झालेली ही भेट सकारात्मक राहिली. अशात सचिन पायलट यांना पुन्हा पक्षात रुजू करण्यामध्ये प्रियांका आणि राहुल गांधी यशस्वी राहिल्याचे संकेत आहेत.

१४ ऑगस्टपासून राजस्थानात विधानसभा सत्र सुरू होणार असून त्यापूर्वीच सचिन पायलट यांनी सत्रात सहभागी होण्याची संकेत देण्यात आले आहेत. आमदारांच्या घोडेबाजार प्रकरणी मुख्यमंत्री अशोक गेहलोत यांनी केलेला आरोप आणि त्यानंतर पोलिसांनी पाठवलेल्या नोटीसनंतर सचिन पायलट यांनी बंडखोरी केली होती. महिनाभरापूर्वी राजस्थानात सत्तेत असलेल्या काँग्रेसमध्ये गेहलोत-पायलट संघर्ष उफाळून आला होता. त्यामुळे सरकारसमोर अस्थिरतेचं संकटही उभं राहिलं होतं. महिनाभरापासून हा सत्ता संघर्ष सुरू असताना अचानक बंडखोर नेते सचिन पायलट यांनी राहुल गांधी व प्रियंका गांधी यांची भेट घेतली आहे.

प्रियांका आणि राहुल यांच्या भेटीनंतर सचिन पायलट राग सोडून पुन्हा पार्टीत सहभागी होतील, अशी अपेक्षा वर्तवली जात आहे. यापूर्वी सचिन पायलट यांनी बंडखोरी केली होती, तेव्हा प्रियांका गांधी यांनी त्यांच्यासोबत अनेकदा फोनवर चर्चा केली आणि प्रकरण सोडविण्याचा प्रयत्न केला.

News English Summary: Sachin Pilot, the former Rajasthan deputy chief minister who triggered a breakaway from the ruling Congress in the state, reached out to the party leadership in Delhi and held a meeting with Rahul Gandhi on Monday, according to two senior leaders aware of the developments.

News English Title: Congress Leader Sachin Pilot Meets Rahul Gandhi Priyanka Gandhi Vadra News latest Updates.