ईडी'नंतर NIA'च्या कंट्रोल रुममध्ये कोरोना पॉझिटिव्ह रुग्ण

नवी दिल्ली, ६ जून: देशात दिवसागणिक कोरोनाबाधितांची संख्या वाढत चालली आहे. कोरोना रुग्णांचा आकडा २ लाख ३६ हजारांच्या वर गेला आहे. देशातील प्रमुख राज्यांसह इतर छोट्या-मोठ्या राज्यातही कोरोनाने शिरकाव केला आहे. आता दिल्लीतील नॅशनल इन्व्हेस्टिगेशन एजंसी (एनआयए) मध्येही कोरोना रुग्ण आढळले असून त्यांच्या मुख्यालयात कोरोनाचे रुग्ण आढळून आले आहेत. मिळालेल्या माहितीनुसार, एनआयए कंट्रोल रुममध्ये काम करणाऱ्या व्यक्तीला कोरोनाची लागण झाली आहे. या ठिकाणी कोरोना रुग्ण आढळल्याने संपूर्ण कार्यालय सॅनिटाइझ करण्यात आले आहे. तसेच संसर्ग झालेल्या व्यक्तीच्या संपर्कात आलेल्या १० जणांना क्वारंटाइन करण्यात आले आहे.

तत्पूर्वी, सक्तवसुली संचालनालयातील (ईडी) पाच अधिकाऱ्यांना कोरोना व्हायरसची लागण झाल्याचं समोर आलं आहे. दिल्लीच्या खान मार्केट परिसरात असलेल्या ‘लोक नायक भवन’ या ईडीच्या मुख्यालयातील पाच अधिकाऱ्यांची कोरोना टेस्ट पॉझिटिव्ह आली आहे.

वृत्तसंस्था एएनआयने दिलेल्या वृत्तानुसार, काल(दि.५) ईडीच्या मुख्यालयातील पाच अधिकाऱ्यांची कोरोना टेस्ट पॉझिटिव्ह आल्यानंतर मुख्यालय सील करण्यात आलं असून उद्यापर्यंत हे कार्यालय सील असणार आहे. तर, कोरोनाची लागण झालेल्या अधिकाऱ्यांना आणि त्यांच्या काही कुटुंबियांना क्वारंटाइन करण्यात आलं आहे.

News English Summary: The number of corona viruses is increasing day by day in the country. The number of corona patients has gone up to 2 lakh 36 thousand. Corona has infiltrated major states of the country as well as other small and large states. Corona patients have now been found in the National Investigation Agency (NIA) in Delhi and corona patients have been found at their headquarters.

News English Title: Corona patients have now been found in the National Investigation Agency NIA in Delhi News Latest Updates.