नवी दिल्ली : विश्व हिंदू परिषदेचे कार्यकारी अध्यक्ष प्रवीण तोगडिया यांना मोदी विरोध, राम मंदिराच्या मुद्यावरून आणि राष्ट्रीय स्वयंसेवक संघालाच अडचणीत टाकल्याने तोगडिया यांची विश्व हिंदू परिषदेच्या कार्यकारी अध्यक्ष पदावरून आणि विहिंपचे अध्यक्ष राघव रेड्डी यांची हकालपट्टी होणार हे निश्चित आहे. त्यांच्या जागी आरएसएसच्या स्वयंसेवकांची निवड होणार असल्याचे समजते. तसे आदेशच संघाने विहिंपला दिले आहेत.
विश्व हिंदू परिषदेचे कार्यकारी अध्यक्ष प्रवीण तोगडिया यांनी गुजरामध्ये भाजपविरोधी काम केले. इतकेच नाही तर पाटीदार समाजाचा नेता हार्दिक पटेल याच्याशी प्रवीण तोगडिया यांनी संगनमत केल्याचे संघाकडे पुरावे आहेत. काही दिवसांपूर्वी तोगडियांनी पंतप्रधान नरेंद्र मोदींवर तुफान टीका केली होती. त्यात त्यांनी राम मंदिराच्या आणि महागाईच्या विषयावर भाष्य करून मोदींना तोंडघशी पाडण्याचा प्रयत्नं केला होता.
