राष्ट्रवादीचे अध्यक्ष शरद पवार यांच्यावर आरोप केल्याशिवाय काही जणांना प्रसिद्धी मिळत नाही अशा तिखट शब्दात खासदार सुप्रिया सुळे यांनी प्रकाश आंबेडकर आणि पाशा पटेल यांच्यावर निशाणा साधला आहे. महाराष्ट्राच्या राजकारणात प्रसिद्धी मिळविण्याचा हा जुना प्रकार मागील ५० वर्षांपासून सुरु आहे.
१ जून पासून संपावर गेलेल्या राज्यातील शेतकऱ्यांना शरद पवारांनी पाठिंबा देऊन सरकारची उदासीनता बघता शेतकऱ्यांनी टोकाची भूमिका घेण्याशिवाय पर्याय नसल्याची भूमिका मांडली होती. त्यालाच अनुसरून पाशा पटेल आणि प्रकाश आंबेडकरांनी माजी केंद्रीय कृषी मंत्री शरद पवार यांच्यावर चौफेर टीका केली होती.
पाशा पटेल आणि प्रकाश आंबेडकरांनी माजी केंद्रीय कृषी मंत्री शरद पवार यांच्यावर केलेल्या टिकेबद्दल खासदार सुप्रिया सुळे यांना विचारले असता त्यांनी ही प्रतिक्रिया दिली आहे.
