43 पैकी एकही रुग्ण नव्या कोरोनाने बाधित नाही | आरोग्यमंत्र्यांची माहिती

मुंबई, २९ डिसेंबर: ब्रिटनमध्ये कोरोनाचा नवा अवतार समोर आल्यानंतर राज्यात एकच खळबळ उडाली होती. पण यासंबंधी आरोग्यमंत्री राजेश टोपे यांनी महत्त्वाचा खुलासा केला आहे. महाराष्ट्रात UK च्या दुसऱ्या स्ट्रेनचा एकही रुग्ण नसल्याची माहिती राजेश टोपे यांनी दिली आहे. 43 नमुन्यात एकही दुसऱ्या स्ट्रेनचा पॉझिटिव्ह रुग्ण नाही असं आरोग्यमंत्र्यांनी स्पष्ट केलं आहे. औरंगाबादमध्ये पत्रकार परिषद घेत राजेश टोपे यांनी ही माहिती दिली आहे.

राजचे आरोग्यमंत्री राजेश टोपे यांनी दिलेल्या माहितीनुसार, महाराष्ट्रात कुठेही नवा कोरोनाचा अवतार आढळला नाही. त्यामुळे नागरिकांनी घाबरण्याचं कारण नाही. पण तरीही आवश्यक ती काळजी घेणं महत्त्वाचं असून रुग्णाचे स्वॅब पाठवण्यास हलगर्जीपणा झाला असेल तर तुम्ही जाब विचारू शकता असंही राजेश टोपे यांनी सांगितलं आहे.

दरम्यान, कोरोना व्हायरसच्या नव्या स्ट्रेनने पुन्हा एकदा सर्वांचीच चिंता वाढवली आहे. भारतातही या नव्या कोरोना व्हायरसचा प्रवेश झाला आहे. देशात कोरोनाच्या नव्या स्ट्रेनचे 6 रुग्ण समोर आले आहेत. यातच, कोरोना लस नव्या स्ट्रेनवरही प्रभावी असेल. त्यामुळे लोकांना या स्ट्रेनला घाबराची गरज नाही, असा दावा केंद्रीय आरोग्यमंत्रालयाने केला आहे.

News English Summary: There was only one sensation in the state after the new incarnation of the Corona unfolded in Britain. But Health Minister Rajesh Tope has made an important revelation in this regard. Rajesh Tope has informed that there are no patients of the second strain of UK in Maharashtra. The health minister clarified that there was no positive patient of any other strain in the 43 samples. This information has been given by Rajesh Tope while holding a press conference in Aurangabad.

News English Title: No single patients were affected by the new corona strain in Maharashtra said health minister Rajesh Tope news updates.