Bangladesh Crisis | श्रीलंकेनंतर भारताचा आणखी एक शेजारी देश बांगलादेशवर मोठं आर्थिक संकट उभं राहिलं आहे. बांगलादेशात डिझेल आणि पेट्रोलच्या दरात जवळपास 50 टक्क्यांनी वाढ झाली आहे. ही वाढ जाहीर होताच बांगलादेशातील पेट्रोल पंपांवर हजारोंच्या संख्येने रांगा लागल्या. बांगलादेशला स्वातंत्र्य मिळाल्यानंतर आज पेट्रोल-डिझेल सर्वाधिक महाग होत आहे. पेट्रोल १३० टके आणि डिझेल ११४ टके प्रतिलिटर मिळत आहे. बांगलादेशातील महागाईने उच्चांकी 7.56% गाठली आहे.
परकीय चलन साठ्यात सातत्याने घट :
बांगलादेशच्या परकीय चलन साठ्यात सातत्याने घट होत आहे. महागाई शिगेला पोहोचली आहे. बांगलादेश सरकार आता आयएमएफकडे कर्ज मागत आहे. पण या दरम्यान बांगलादेशने एक पाऊल उचललं आहे, ज्यामुळे महागाई वाढून निर्णय घेतला जाईल असं मानलं जातंय. बांगलादेशने एकाच वेळी पेट्रोलच्या दरात ५१.७ टक्के वाढ केली आहे.
बांगलादेश मुक्तीनंतरची सर्वाधिक महागाई :
पेट्रोलच्या दरात झालेली ही वाढ १९७१ मध्ये बांगलादेश मुक्तीनंतरची सर्वाधिक आहे. पेट्रोलच्या दरात प्रचंड वाढ झाल्यानंतर जनक्षोभ उसळला आहे. लोक रस्त्यावर उतरून आंदोलन करत आहेत. सोशल मीडियावर समोर आलेल्या फोटोंमध्ये तेल दरवाढ जाहीर झाल्यानंतर लगेचच हजारो लोकांनी पेट्रोल पंपावर गर्दी केल्याचे दिसून येत आहे. प्रत्येक जण आपापल्या गाड्या भरून घेत होता. या काळात अनेक ठिकाणच्या पेट्रोल पंपांनी फायदा घेत घोषणा झाल्यानंतर लगेचच पंप बंद केला. वाढलेल्या किमतींच्या आधारे रात्री बारानंतर पेट्रोलपंप पुन्हा सुरू झाला.
#Bangladesh:Thousands of people are flocking to petrol stations in Bangladesh as the government announced a 52% fuel price hike, the highest increase on record. The country is in the grip of a serious energy crisis.#Bangladesh #FuelPrices pic.twitter.com/18MTo55p34
— Wᵒˡᵛᵉʳᶤᶰᵉ Uᵖᵈᵃᵗᵉˢ? (@W0lverineupdate) August 7, 2022
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
