कोरोना रुग्णांवर ‘हायड्रोक्सिक्लोरोक्वीन’ या औषधाच्या ट्रायलवर WHO'कडून बंदी

जिनिव्हा, १९ जून : देशात एकीकडे कोरोनाबधितांचा आकडा वाढत असताना अद्याप लस किंवा औषध मिळालेले नाही. अशातच सध्या सर्वच देश कोरोना रुग्णांच्या उपचारासाठी वापरत असलेल्या ‘हायड्रोक्सिक्लोरोक्वीन’ या औषधाच्या ट्रायलवर जागतिक आरोग्य संघटनेने बंदी घातली आहे. सॉलिडॅरिटी ट्रायलवर ही बंदी घालण्यात आली आहे. ब्रिटनमधील रिकव्हरी ट्रायल आणि अन्य पुरावे लक्षात घेऊन हा निर्णय घेण्यात आला आहे.

जागतिक आरोग्य संघटनेच्या म्हणण्यानुसार, सॉलिडॅरिटी ट्रायल आणि ब्रिटनमधील रिकव्हरी ट्रायल यांच्यात हायड्रोक्सिक्लोरोक्वीन औषधामुळे कोरोनाचा मृत्यूदर कमी झालेला आढळून आला नाही. त्यामुळे या औषधाचा ट्रायल थांबविण्यात आला आहे. दरम्यान ज्या रुग्णावर आधीच या औषधाचा कोर्स सुरू आहे. त्यांना हे औषध वापरण्यास परवानगी देण्यात आली आहे.

दरम्यान, भारतातील कोरोना विळखा दिवसेंदिवस अधिक घट्ट होत आहे. मागील २४ तासांत देशात तब्बल 12 हजार 881 नवीन रुग्ण आढळले असून 334 जणांनी कोरोनामुळे आपला जीव गमावला आहे. त्यामुळे देशातील एकूण कोरोनाबाधितांची संख्या 3 लाख 66 हजार 946वर पोहोचली असून आतापर्यंत 12 हजार 237 कोरोनाबाधितांचा मृत्यू झाला आहे. दरम्यान, देशात सध्या 1 लाख 60 हजार 384 रुग्णांवर उपचार सुरू आहेत, तर 1 लाख 94 हजार 324 जणांनी कोरोनावर यशस्वी मात केली आहे.

News English Summary: According to the World Health Organization, between the solidarity trial and the recovery trial in the UK, the drug hydroxychloroquine was not found to reduce corona mortality. Therefore, the trial of this drug has been stopped. Meanwhile a patient who is already undergoing a course of this drug. They are allowed to use this drug.

News English Title: World health organization bans hydroxychloroquine medicine trials on Covid 19 Patients News latest Updates.