VIDEO | आणि फिंचने दिलेली शिवी स्टम्प माइकमध्ये कैद झाली

शारजाह , १४ ऑक्टोबर : IPL 2020 Points Table युएईमध्ये सुरू असलेल्या आयपीएलच्या १३वा हंगाम अर्धा झाला आहे. स्पर्धेतील पहिला टप्पा पूर्ण झाला असून प्रत्येक संघाचे ७ सामने झाले आहेत. स्पर्धेत दोन संघांची सर्वाधिक चर्चा होत आहे. पहिला संघ म्हणजे चेन्नई सुपर किंग्ज होय जो गुणतक्त्यात शेवटून दुसऱ्या स्थानावर आहे तर दुसरा संघ म्हणजे दिल्ली कॅपिटल्स जो दुसऱ्या स्थानावर आहे.

शारजाह येथे कोलकाता नाईट रायडर्सविरुद्ध झालेल्या सामन्यात रॉयल चॅलेंजर्स बेंगलोरने ८२ धावांनी विजय मिळवला. मात्र सामन्यात अशी एक गोष्ट घडली, जी चाहत्यांच्या नजरेतून दडली नाही. सामन्यादरम्यान बेंगलोरचा सलामीवीर फलंदाज ऍरॉन फिंचने कोलकाताच्या आंद्रे रसेलला शिवीगाळ केली. त्यांचा तो व्हिडिओ सोशल मीडियावर जोरदार व्हायरल होत आहे.

झाले असे की, बेंगलोरने नाणेफेक जिंकत प्रथम फलंदाजी निवडली. त्यामुळे फिंच आणि देवदत्त पडिक्कल सलामीला फलंदाजासाठी मैदानावर उतरले. फिंचने ३७ चेंडूत ४७ धावा करत संघाला चांगली सुरुवात करुन दिली. दरम्यान डावातील सहावे षटक टाकण्यासाठी रसेल आला. त्याने षटकातील चौथा चेंडू स्लो लेंथने टाकला. त्यावर फिंचला पुल शॉट मारायचा होता. पण चेंडूची गती कमी असल्यामुळे फिंचला तो चेंडू व्यवस्थित खेळता आला नाही.

त्यानंतर त्याच्या भावना अनावर झाल्या आणि त्याच्या तोंडून अपशब्द निघाले. पण रसेलने त्यावर कसलीही प्रतिक्रिया दिली नाही. मात्र फिंचचा आवाज स्टम्प माइकमध्ये कैद झाला होता, जो नंतर मोठ्या प्रमाणात व्हायरल झाला.

फिंचने दिलेली शिवी स्टम्प माइकमध्ये कैद झाला होता#IPL2020 pic.twitter.com/0vEGJL2gXV

— महाराष्ट्रनामा न्यूज (@MahaNewsConnect) October 14, 2020

News English Summary: Royal Challengers Bangalore beat Kolkata Knight Riders by 82 runs in Sharjah. But something happened in the match, which did not go unnoticed by the fans. During the match, Bangalore opener Aaron Finch insulted Kolkata’s Andre Russell. His video is going viral on social media.

News English Title: Aaron Finch abused Andre Russell during the match News updates.