EPF Money Amount | कर्मचारी भविष्य निर्वाह निधी (EPF) ही सेवानिवृत्ती बचत योजना असून, त्यात सुमारे 28 कोटी खात्यांचे व्यवस्थापन केले जात आहे. या योजनेचे व्यवस्थापन कर्मचारी भविष्य निर्वाह निधी संघटना (EPFO) करते. निवृत्तीनंतर कर्मचाऱ्यांना आर्थिक सुरक्षा मिळावी हा या योजनेचा उद्देश आहे. ईपीएफमधील नियमित गुंतवणुकीच्या माध्यमातून कर्मचारी निवृत्तीसाठी चांगला निधी उभारू शकतात. या योजनेत कर्मचाऱ्याच्या पगाराचा काही भाग दरमहा जमा केला जातो.
विशेष म्हणजे जेवढे योगदान कर्मचाऱ्याकडून दिले जाते, तेवढेच योगदान कंपनीकडून केले जाते. वेतनानुसार योगदानाची रक्कम निश्चित केली जाते. दरवर्षी ईपीएफ खात्यात जमा होणाऱ्या रकमेवर देण्यात येणारा व्याजदर सरकार ठरवते. सध्या ईपीएफवर वार्षिक 8.25 टक्के दराने व्याज मिळत आहे.
खात्यात पैसे कसे जमा होतात?
EPF खात्यासाठी कर्मचाऱ्याला त्याच्या मूळ वेतन आणि महागाई भत्त्याच्या एकत्रित 12 टक्के रक्कम द्यावी लागते. हेच योगदान कंपनी किंवा नियोक्ता देखील त्याच्या वतीने देतात. कंपनीच्या योगदानापैकी 8.33 टक्के रक्कम ईपीएस अर्थात पेन्शन फंडात जाते, तर केवळ 3.67 टक्के रक्कम EPF मध्ये जाते. अशा प्रकारे दोघांच्या योगदानाची रक्कम जोडून तुम्ही तुमच्या EPF खात्यात वर्षभरात किती पैसे जमा होतील याचा शोध घेऊ शकता. तुमच्या सोप्या समजासाठी आम्ही वेगवेगळ्या पगाराच्या व्याजाचा हिशेब इथे देत आहोत.
15,000 रुपये मासिक पगारानुसार व्याजाचे गणित
* मूळ वेतन + महागाई भत्ता (डीए) = 15,000 रुपये
* EPF मध्ये कर्मचाऱ्याचे योगदान = 15,000 रुपयांच्या 12% = 1800 रु.
* EPF मध्ये कंपनीचे योगदान = रु. 15,000 च्या 3.67% = 550.5
* EPF मध्ये कंपनीचे योगदान = रु. 15,000 च्या 8.33% = रु. 1249.5
* दरमहा EPF खात्यात योगदान = 1800 + 550.5 = 2350.5 रुपये
ही रक्कम दर महा ईपीएफ खात्यात जमा होणार असून, त्यावर सरकारने निश्चित केलेले व्याजही मिळणार आहे. 8.25 टक्के वार्षिक व्याजदराने दरमहा 0.6875% दराने व्याज दिले जाईल, परंतु संपूर्ण व्याज आर्थिक वर्षाच्या शेवटच्या दिवशीच जमा केले जाईल.
15 हजार रुपये महिना पगारावर ईपीएफ कॉर्पस रक्कम
* कर्मचाऱ्याचे वय : 25 वर्ष
* कर्मचाऱ्याचे योगदान : 12%
* कंपनीचे योगदान : 3.67%
* EPF व्याजदर : 8.25% वार्षिक
* अंदाजित इन्क्रिमेंट : 5% वार्षिक
* निवृत्तीचे वय : 60 वर्ष
* EPF एकूण योगदान : 27,03,243 रुपये
* मिळणारी एकूण रिटायरमेंट फंड रक्कम : 1.09 कोटी रुपये
30 हजार रुपये महिना पगारावर ईपीएफ कॉर्पस रक्कम
* कर्मचाऱ्याचे वय : 25 वर्ष
* कर्मचाऱ्याचे योगदान : 12%
* कंपनीचे योगदान : 3.67%
* EPF व्याजदर : 8.25% वार्षिक
* अंदाजित इन्क्रिमेंट : 5% वार्षिक
* निवृत्तीचे वय : 60 वर्ष
* EPF एकूण योगदान : 54,06,168 रुपये
* मिळणारी एकूण रिटायरमेंट फंड रक्कम : 2.17 कोटी रुपये
40 हजार रुपये महिना पगारावर ईपीएफ कॉर्पस रक्कम
* कर्मचाऱ्याचे वय : 25 वर्ष
* कर्मचाऱ्याचे योगदान : 12%
* कंपनीचे योगदान : 3.67%
* EPF व्याजदर : 8.25% वार्षिक
* अंदाजित इन्क्रिमेंट : 5% वार्षिक
* निवृत्तीचे वय : 60 वर्ष
* EPF एकूण योगदान : 72,08,492 रुपये
* मिळणारी एकूण रिटायरमेंट फंड रक्कम : 2.9 कोटी रुपये
