My EPF Money | ईपीएफ खातेधारकांसाठी अत्यंत खुशखबर आहे. कर्मचारी भविष्य निर्वाह निधी संघटना (ईपीएफओ) आपल्या सदस्यांना अनेक सुविधा देत आहे. ईपीएफओमध्ये गुंतवणूक करून जिथे गुंतवणूकदारांना पेन्शनचा लाभ मिळू शकतो तसेच मोठे फंड ही तयार होऊ शकतात. याशिवाय ईपीएफओ सदस्यांना ईपीएफ खातेधारकांना बोनस वाढीसह जास्तीच इन्शुरन्स कव्हर मिळणार आहे.
निर्णय :
सीएनबीसी आवाज या वृत्त प्लॅटफॉर्मला मिळालेल्या अधिकृत माहितीनुसार श्रम मंत्रालयाने एडिशनल बेनिफिट कायमचे सुरू ठेवण्याचा निर्णय घेतला आहे. हा निर्णय श्रम मंत्रालयाने एम्पलोयी डिपॉझिट लिंक्ड इन्शुरन्स स्कीम अंतर्गत घेतलेला आहे.
ॲडिशनल नियम :
ॲडिशनल केलेला नियम ईपीएफओमध्ये असणाऱ्या प्रत्येक खातेधारकाला लागू होणार. श्रम मंत्रालयाने घेतलेला हा सर्वात मोठा निर्णय कायमचा सुरू ठेवणार असल्याची माहिती मिळाली आहे. त्याचबरोबर जीवन इन्शुरन्स पॉलिसी वाढवून 7 लाख रुपये केली आहे.
बोनसमध्ये कमालीची वाढ :
मिळणारी रक्कम 12 महिन्यांच्या बेसिक पगारावर ठरणार आहे. त्याचबरोबर विम्याची रक्कम जेमतेम 2.5 लाखांची असणार आहे. दरम्यान बोनसची रक्कम 1,50,000 हून वाढवून 1.75 लाख रुपये एवढी केली आहे. हा अतिरिक्त फायदा पहिले सरकारने 3 वर्षांकरिता लागू केला होता. हा नवीन नियम सरकारने कायमस्वरूपी लागू करण्याचा निर्णय घेतला आहे.
यापूर्वीचा ईपीएफओचा नवा नियम
ईपीएफओने अंशत: पैसे काढण्याच्या नियमात बदल केला आहे. केंद्रीय कामगार मंत्री मनसुख मांडविया यांनी ही माहिती दिली आहे. मनसुख मांडविया म्हणाले की, ईपीएफ खात्यातून अंशत: पैसे काढण्याची मर्यादा वाढवण्यात आली आहे. आता ईपीएफओ सदस्य ईपीएफ खात्यातून 50,000 रुपयांऐवजी 1 लाख रुपये काढू शकतात.
