Personal Loan EMI | प्रत्येक व्यक्तीचं आयुष्य हे ठरवलेलं नसतं. त्यामुळे कोणत्याही वेळी आपल्यावर उधारीवर पैसे घेण्याची वेळ येऊ शकते. अशावेळी सर्वात पर्सनल लोनचा पर्याय आपल्यासाठी बेस्ट ठरू शकतो. बरेचजण गरजेसाठी बँकेकडून पर्सनल लोन घेतात. परंतु काहीजण वेळेआधीच लोन फेडण्याची तयारी दाखवतात. तुम्ही सुद्धा पर्सनल लोन घेतलं असेल आणि वेळेआधी हे लोन फेडायचं असेल तर या 4 गोष्टींची काळजी घेतली पाहिजे.
1) योग्य वेळेचा पर्याय निवडा :
समजा तुम्ही एखाद पर्सनल लोन घेऊन त्याचा सर्वात मोठा हिस्सा फेडला असेल तर, तुम्हाला प्री-पेमेंटचा म्हणजेच वेळेआधी पैसे भरण्याचा जास्त फायदा होणार नाही. कारण की तुम्ही लोनच्या ईएमआयबरोबर भरपूर व्याजाची रक्कम देखील फेडली आहे. म्हणूनच जेव्हा तुम्ही अर्ध्या किमतीपेक्षा कमी ईएमआय फेडता तोपर्यंत तुम्ही प्री-पेमेंटचा फायदा अनुभवू शकता.
2) लोन एग्रीमेंटचे समीक्षण करा :
तुम्ही ज्यावेळी बँकेकडून पर्सनल लोन घेता तेव्हा बँक आणि तुमच्यामध्ये एक एग्रीमेंट साइन केले जाते. या एग्रीमेंटमध्ये वेळेआधी पेमेंट करण्यासाठी एक क्लॉज दिला जातो. त्यामध्ये सर्व काही नमूद केलेलं असतं. जसं की, वेळ आधी पेमेंट केल्याने पेनल्टी आणि दिलेली वेळ शामिल असते. म्हणजे तुम्ही जे प्री-पेमेंट करता ते प्रारंभिक वर्षाच्या आधीच लागू होऊ शकत. जेणेकरून तुम्ही लोन एग्रीमेंटवर पॅनल्टी देण्यापासून वाचू शकाल.
3) पेनल्टी रक्कम जाणून घ्या :
पर्सनल लोन घेतल्यानंतर वेळेआधीच परतफेड केली जाणारी रक्कम बँक आणि ऋण नियमांच्या आधारानुसार वेगवेगळे असते. यामध्ये प्री-पेमेंटवेळी बाकी असलेले ऋण 1 टक्के असते. म्हणजेच शिल्लक रक्कम 1% ते 5% च्या रेंजमध्ये असते.
4) हे फायदे देखील मिळतात :
जर तुम्ही वेळेआधीच पर्सनल लोन फेडत असाल तर, तुमची वित्तीय स्थिती आणखीन मजबूत होण्यास मदत होते. असं केल्याने तुम्हाला जास्तीचे पैसे जमा करण्यास सोपे जाते. जमा केलेले पैसे तुम्ही सेवानिवृत्तीच्या योगदानात त्याचबरोबर डाऊन पेमेंटसाठी देखील वापरू शकता.
