26 July 2021 4:11 AM
अँप डाउनलोड
बातम्या फ्लॅश
Special Recipe | विदर्भातील झणझणीत सावजी अंडा शेरवा बनवा घरच्याघरी - वाचा रेसिपी Sarkari Naukri | SBI बँकेत 6100 पदांसाठी बंपर भरती | मराठी तरुणांना मोठी संधी - त्वरा करा जळगावमध्ये मोठं राजकीय नुकसान झाल्यानंतर मनसेची पुन्हा शाखा आणि पक्षविस्ताराला सुरुवात Sarkari Naukri | आयकर विभाग, मुंबईत 155 पदांची भरती | १० शिक्षण | पगार ५६ हजार कर्नाटकचे मुख्यमंत्री येडियुरप्पा यांचे पायउतार होण्याचे संकेत | संध्याकाळपर्यंत घोषणा तुम्हाला तुमच्या पायावर उभं करण्याची जबाबदारी सरकारची आहे | मुख्यमंत्र्यांचं चिपळूणमधील व्यापाऱ्यांना आश्वासन Special Recipe | तर्री वाल जत्रे प्रमाणे झणझणीत मटण घरच्याघरी बनवा - वाचा रेसिपी
x

नाशिक महापालिकेतील ऑक्सिजन दुर्घटना सत्ताधारी भाजपने नेमलेल्या ठेकेदारामुळेच | चौकशी समितीचा अहवाल

Nashik oxygen leak

नाशिक, ०६ मे : राज्यातील कोरोनस्थिती चिंताजनक असताना दुसरीकडे नाशिकमध्ये एक दुर्घटना घडली. नाशिक महापालिकेच्या डॉ. झाकीर हुसैन रुग्णालयात झालेल्या ऑक्सिजन गळतीमुळे तब्बल २४ कोरोनाग्रस्तांचा दुर्दैवी मृत्यू झाला. दरम्यान, राज्य सरकारकडून या दुर्घटनेची चौकशी करण्याचे आदेश देण्यात आले होते. याच पार्श्वभूमीवर आता मुदतीपूर्वीच या ७ सदस्यीय उच्चस्तरीय चौकशी समितीचा अहवाल राज्य सरकारकडे सुपूर्द करण्यात आला असून ही दुर्घटना ठेकेदाराच्या हलगर्जीपणामुळे घडल्याचे ह्यात नमूद करण्यात आले आहे.

BhagyaVivah Marathi Matrimonial

दरम्यान, भाजपाची सत्ता असलेल्या नाशिक महापालिकेतील वास्तव अखेर समोर आलं आहे. डॉ. झाकीर हुसेन रुग्णालय हे महापालिकेचे असून, महापालिकेत भाजपची सत्ता आहे. महापालिकेनेच न्यू बिटको व झाकीर हुसेन रुग्णालयात ऑक्सिजनच्या टाक्या बसविण्याचा ठेका दिला होता. संवेदनशील विषय असताना देखील संबंधित ठेकेदारांचा टेक्निशन तेथे उपलब्ध झाला नव्हता.

सदर रुग्णालयात घटनेच्या १५ ते २० दिवसांपूर्वीच महापालिकेच्या ठेकेदाराने ऑक्सिजनची टाकी बसवली होती. ठेकेदारामार्फत या टाक्या बसविण्यात आल्या होत्या. या रुग्णालयाचे सारे संचालन महापालिकेमार्फत चालते, असे असताना या दुर्घटनेनंतर भाजप नेते राज्य सरकारवर टीका करण्यात व्यस्त असल्याचे पाहायला मिळाले होते आणि या आपत्तीतही भाजप नेत्यांचा खरा चेहरा सामान्यांना पाहायला मिळाला होता.

दरम्यान, नाशिकमधील दुर्घटनेचा अहवाल सादर करण्यासाठी राज्य सरकारकडून विभागीय आयुक्त राधाकृष्ण गमे यांच्या अध्यक्षतेखाली या चौकशी समितीला १५ दिवसांची मुदत देण्यात आली होती. मात्र, आता मुदतीपूर्वीच हा अहवाल राज्य सरकारकडे सादर करण्यात आला आहे. या अहवालात ठेकेदाराच्या हलगर्जीपणामुळे नाशिकच्या डॉ. झाकीर हुसैन रुग्णालयात ऑक्सिजनची गळती झाल्याने २४ निष्पाप लोकांना आपला जीव गमवावा लागल्याचे, नमूद करण्यात आले आहे.

विभागीय आयुक्त राधाकृष्ण गमे यांच्या अध्यक्षतेखाली स्थापन करण्यात आलेल्या या उच्चस्तरीय समिती चौकशी समितीमध्ये वैद्यकीय अधिकारी, तांत्रिक दोष निर्माण झाल्यामुळे तंत्रनिकेतन महाविद्यालयाचे प्राचार्य, महापालिकेचे अभियंता आणि ऑक्सिजन प्लांट उभारणीचे काम करणाऱ्या लोकांचा समावेश होता.

 

News English Summary: While the corona condition in the state was critical, on the other hand, an accident took place in Nashik. As many as 24 corona sufferers died due to oxygen leak at Zakir Hussain Hospital. Meanwhile, the state government had ordered an inquiry into the accident. In this context, the report of the 7-member high-level inquiry committee has been submitted to the state government ahead of time and it has been mentioned that the accident happened due to the negligence of the contractor.

News English Title: BJP ruling Nashik municipal oxygen leak case contractor is in fault news updates.

हॅशटॅग्स

#BJPMaharashtra(647)

संबंधित बातम्या

राहुन गेलेल्या बातम्या

x