तौक्ते वादळ | कोकणच्या संबंधित पालकमंत्र्यांकडून कालपासून नुकसानीचे आढावा दौरे | प्रशासन कामाला

रत्नागिरी, १९ मे | मागील तीन दिवसांपासून तौक्ते वादळाने गुजरात आणि दीवला झोडपून काढलं आहे. त्यामुळे या परिसराचं मोठं नुकसान झालं आहे. या पार्श्वभूमीवर पंतप्रधान नरेंद्र मोदी गुजरात आणि दीवमधील नुकसानीचा आढावा घेण्यासाठी थोड्याच वेळात गुजरातला पोहोचत आहेत. गुजरातच्या भावनगर येथून ते हवाई पाहणी करतील.

तत्पूर्वी कोकणातील संबंधित जिल्ह्यांच्या पालकमंत्र्यांनी नुकसानग्रस्त भागाची आधीच पाहणी केली असून संपूर्ण परिस्थितीचा आढावा घेतला आहे. मंत्री उदय सामंत आणि अदिती तटकरे तसेच कोकणातील आमदार आणि खासदार नुकसानग्रस्त भागाची पाहणी करत आहेत. त्यानुसार स्थानिक प्रशासनाला आदेश देऊन नुकसानाचे पंचनामे करण्याचे आदेश दिले आहेत. त्यामुळे स्थानिक पातळीवर मुख्यमंत्र्यांनी पालकमंत्री आणि प्रशासनाला परिस्थितीचा आढावा घेऊन आदेश दिले आहेत. आता फडणवीस दौऱ्यानंतर कोणती राजकीय टीका करतात ते पाहणं महत्वाचं आहे.

तौक्ते चक्रीवादळाच्या पार्श्वभूमीवर आज रत्नागिरी तालुक्यातील नाणीज या गावी भेट देऊन नुकसान झालेल्या घरांची पाहणी केली. आपतग्रस्त कुटुंबियांना तत्काळ मदत करण्याचे निर्देश प्रशासनास दिले. यावेळी, तहसीलदार, सरपंच गौरव संसारे व संबंधित अधिकारी उपस्थित होते. pic.twitter.com/3y0ppBcG1K

— Uday Samant (@samant_uday) May 18, 2021

तौक्ते चक्रीवादळाच्या पार्श्वभूमीवर आज सिंधुदुर्ग जिल्ह्यातील वैभववाडी तालुक्यातील नाधवडे गावातील नुकसानीचा आढावा घेतला. आपतग्रस्त कुटुंबियांना तत्काळ मदत करण्याचे निर्देश प्रशासनास दिले. यावेळी, खासदार @Vinayakrauts साहेब, प्रांत, तहसीलदार व संबंधित अधिकारी उपस्थित होते. pic.twitter.com/ahecAolfWj

— Uday Samant (@samant_uday) May 19, 2021

“ताऊक्ते” चक्रीवादळामुळे रायगड जिल्ह्यातील समुद्रकिनाऱ्या लगतच्या भागात दि.१६ व १७ मे रोजी मोठे नुकसान झाले आहे.या भागास प्रत्यक्ष भेट देवून झालेल्या नुकसानीची पाहणी केली.ताऊक्ते चक्रीवादळामुळे झालेल्या नुकसानीचे तात्काळ पंचनामे पुर्ण करण्याचे आदेश प्रशासकीय अधिकाऱ्यांना दिले. pic.twitter.com/Cz1AHoEgbC

— Aditi S Tatkare (@iAditiTatkare) May 18, 2021

News English Summary: Earlier, the Guardian Ministers of the concerned districts in Konkan had already inspected the affected areas and reviewed the entire situation. Ministers Uday Samant and Aditi Tatkare as well as MLAs and MPs from Konkan are inspecting the affected areas.

News English Title: Guardian ministers from Konkan districts are on tour of review meeting after Tauktae cyclone damage since yesterday news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.