13 April 2021 3:39 AM
अँप डाउनलोड

भाजपमध्ये या पोटनिवडणुकीत 100 कोटी रुपये खर्च करू | फडणवीसांनी ऑफर दिलेली - आ. शशिकांत शिंदे

NCP MLA Shashikant Shinde, BJP leader Devendra Fadnavis

मुंबई, २३ जानेवारी: देवेंद्र फडणवीस मुख्यमंत्रीपदी असताना भारतीय जनता पक्षाकडून मला पक्षप्रवेशाची ऑफर देण्यात आली होती, असा खळबळजनक गौप्यस्फोट राष्ट्रवादी काँग्रेसचे आमदार शशिकांत शिंदे यांनी केले. भारतीय जनता पक्ष-शिवसेना युती सरकारच्या काळात अनेक नेत्यांना पक्षप्रवेशाच्या ऑफर देण्यात आल्या होत्या. त्यामध्ये माझाही समावेश होता, असा दावा शशिकांत शिंदे यांनी केला.

BhagyaVivah Marathi Matrimonial

ते शनिवारी साताऱ्यात प्रसारमाध्यमांशी बोलत होते. यावेळी शशिकांत शिंदे यांनी भारतीय जनता पक्षाच्या ऑफरसंदर्भात धक्कादायक खुलासा केला. तत्कालीन मुख्यमंत्री देवेंद्र फडणवीस आणि चंद्रकांत पाटील यांनी अनेक माध्यमातून माझ्याशी संपर्क केला होता. तुम्ही भारतीय जनता पक्षामध्ये प्रवेश केल्यास तुम्हाला मंत्रिपद देऊ. तसेच तुम्हाला निवडून आणण्यासाठी पोटनिवडणुकीत भारतीय जनता पक्षाकडून 100 कोटी रुपये खर्च केले जातील, असेही मला सांगण्यात आले होते, असा दावा शशिकांत शिंदे यांनी केला. परंतु, त्यावेळेस मी ऑफर नाकारली व भविष्यातही नाकारतच राहीन, असेही शिंदे यांनी सांगितले.

राज्यातील प्रमुख मराठा नेत्यांपैकी शशिकांत शिंदे हे एक आहेत. ते पवार कुटुंबीयांच्या निकटवर्तीयांपैकी एक म्हणून ओळखले जातात. सातारा जिल्ह्यातील राजकारणात त्यांचा दबदबा आहे. कोरेगाव मतदारसंघातून ते दोनदा विधानसभेवर निवडून गेले होते. २०१९ मध्ये झालेल्या विधानसभा निवडणुकीत त्यांचा पराभव झाला. त्यानंतर राष्ट्रवादीने त्यांना विधान परिषदेत पाठवलं होतं. मुंबई आणि नवी मुंबईतील माथाडी कामगारांचे नेते म्हणूनही त्यांची ओळख आहे.

 

News English Summary: The then Chief Minister Devendra Fadnavis and Chandrakant Patil had contacted me through various channels. If you join the Bharatiya Janata Party, we will give you a ministerial post. I was also told that Rs 100 crore would be spent by the BJP in the by-elections to get you elected, claimed Shashikant Shinde. “But then I turned down the offer and will continue to do so in the future,” NCP MLA Shashikant Shinde said.

News English Title: NCP MLA Shashikant Shinde made serious allegations on BJP leader Devendra Fadnavis news updates.

हॅशटॅग्स

#NCP(341)

संबंधित बातम्या

राहुन गेलेल्या बातम्या

x