20 June 2021 3:55 PM
अँप डाउनलोड

बीड | परळी तालुक्यातील सिरसाळा येथे MIDC उभारण्याचा मार्ग मोकळा | उद्योग मंत्रालयाची मंजुरी

Minister Dhanjay Mundey

मुंबई, 10 जून | बीड जिल्ह्यातील परळी तालुक्यातील सिरसाळा येथे MIDC उभारण्यात येणार आहे. सिरसाळा येथे MIDC उभारण्याच्या प्रस्तावाला महाराष्ट्राच्या उद्योग मंत्रालयाने मंजुरी दिली आहे. राज्याचे सामाजिक न्याय मंत्री धनंजय मुंडे यांच्या प्रयत्नानंतर ही एमआयडीसी साकारण्याचा मार्ग मोकळा झाला आहे.

BhagyaVivah Marathi Matrimonial

परळी तालुक्यातील सिरसाळा येथील अधिसूचित करण्यात आलेल्या जमिनीवर औद्योगिक क्षेत्र – 2 अंतर्गत एमआयडीसी उभारण्याची मागणी धनंजय मुंडे यांनी उद्योग विभागाला केली होती. विधानसभा निवडणुकीच्यानंतर झालेल्या अधिवेशनादरम्यान या संदर्भात उद्योगमंत्री सुभाष देसाई यांच्याशी चर्चा करून एमआयडीसी प्रस्तावित करण्यात आली होती. त्याला अखेर उद्योग विभागाने मंजुरी दिली आहे. देसाई यांचे खाजगी सचिव उमेश वाघ यांनी मुंडेंच्या कार्यालयास पत्राद्वारे ही माहिती दिली आहे.

एमआयडीसीसाठी अधिसूचित करण्यात आलेल्या जमिनीची उद्योग विभागातील वरिष्ठ अधिकाऱ्यांकडून पाहणी करण्यात आली. त्यानंतर राज्य शासनाला याबाबतचा अहवाल सादर करण्यात आला होता. त्यानंतर जमीन संपादित करण्याची प्रक्रिया उद्योग विभागामार्फत सुरू होती. मुंडे स्वतः याबाबत सातत्याने पाठपुरावा करत होते. दरम्यान उद्योग विभागाने मोठा निर्णय घेत, परळी तालुक्यातील सिरसाळा एमआयडीसी उभारणीच्या प्रस्तावास मान्यता दिल्याने मुंडे यांचे वचनपूर्तीकडे हे मोठे पाऊल मानले जात आहे.

 

News English Summary:  MIDC will be set up at Sirsala in Parli taluka of Beed district. The proposal to set up MIDC at Sirsala has been approved by the Maharashtra Ministry of Industries. After the efforts of the state’s social justice minister Dhananjay Munde, the way has been paved for setting up this MIDC.

News English Title: MIDC will be set up at Sirsala in Parli taluka of Beed district said social justice minister Dhananjay Munde news updates.

हॅशटॅग्स

#Dhananjay Mundey(50)

संबंधित बातम्या

राहुन गेलेल्या बातम्या

x