7th Pay Commission | नवीन वर्ष केंद्रीय कर्मचाऱ्यांसाठी खूप खास असणार आहे. नव्या वर्षात कर्मचाऱ्यांना महागाई भत्ता म्हणजेच डीएची भेट मिळणार आहे, तर घरभाडे भत्त्यातही (एचआरए) वाढ होणार आहे. सातव्या वेतन आयोगाच्या शिफारशींनुसार केंद्रीय कर्मचाऱ्यांच्या महागाई भत्त्यात वर्षातून दोनवेळा सहामाही तत्त्वावर वाढ केली जाते.
जुलै ते डिसेंबर या सहामाहीत ऑक्टोबर 2023 मध्ये शेवटची दरवाढ करण्यात आली होती. ही वाढ 4 टक्के होती. त्यामुळे केंद्रीय कर्मचाऱ्यांचा भत्ता 42 टक्क्यांवरून 46 टक्क्यांवर गेला आहे.
घोषणा कधी होणार?
आतापर्यंतच्या पॅटर्ननुसार जानेवारी-जून 2024 या सहामाहीसाठी महागाई भत्त्यात वाढ मार्च महिन्यात जाहीर केली जाऊ शकते. सध्याच्या वातावरणानुसार सरकार पुन्हा एकदा महागाई भत्त्यात 4 टक्के वाढ करू शकते, असे मानले जात आहे. तसे झाल्यास केंद्रीय कर्मचाऱ्यांचा भत्ता 50 टक्के होईल. त्याचबरोबर केंद्रीय कर्मचाऱ्यांचा एचआरएही वाढणार आहे.
HRA किती वाढेल?
सातव्या वेतन आयोगाच्या शिफारशींमध्ये महागाई भत्ता 50 टक्के किंवा त्यापेक्षा अधिक असल्यास एचआरएमध्ये सुधारणा करण्याची तरतूद आहे. एचआरए वाढीसाठी एक्स, वाय आणि झेड या शहरांची तीन श्रेणींमध्ये विभागणी करण्यात आली आहे.
जर कर्मचारी एक्स श्रेणीच्या शहरांमध्ये किंवा गावांमध्ये राहत असेल तर त्याचा एचआरए 30 टक्क्यांपर्यंत वाढेल. त्याचप्रमाणे वाय श्रेणीसाठी एचआरए दर 20 टक्के आणि झेड श्रेणीसाठी 10 टक्के असेल. सध्या एक्स, वाय आणि झेड या शहरांमध्ये राहणाऱ्या कर्मचाऱ्यांना अनुक्रमे 27, 18 आणि 9 टक्के एचआरए मिळत आहे. म्हणजेच एचआरए आणि डीए मध्ये वाढ झाल्यानंतर केंद्रीय कर्मचाऱ्यांच्या पगारात मोठी वाढ होणार आहे.
Disclaimer : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
