Adani Enterprises Share Price | अदानी एंटरप्रायझेस स्टॉक पुन्हा एकदा चर्चेत आला आहे. नुकताच कंपनीच्या व्यवस्थापन मंडळाने 400 कोटी रुपयेपर्यंतचे नॉन-कन्व्हर्टेबल डिबेंचर जारी करण्याचा प्रस्ताव मंजूर केला आहे. मागील आठवड्यात शुक्रवारी अदानी एंटरप्रायझेस स्टॉक 2.26 टक्के वाढून 3108.05 रुपये किमतीवर क्लोज झाला होता. या कंपनीचे एकूण बाजार भांडवल 3.54 लाख कोटी रुपये आहे. ( अदानी एंटरप्रायझेस कंपनी अंश )
शुक्रवारी अदानी एंटरप्रायझेस कंपनीचे 0.44 लाख शेअर्स ट्रेड झाले होते, ज्याचे एकूण मूल्य 13.52 कोटी रुपये होते. अदानी एंटरप्रायझेस कंपनीच्या स्टॉकचा एक वर्षाचा बीटा 1.9 आहे, जो या कालावधीत खूप उच्च अस्थिरता दर्शवतो. आज मंगळवार दिनांक 20 ऑगस्ट 2024 रोजी अदानी एंटरप्रायझेस स्टॉक 0.27 टक्के वाढीसह 3,111 रुपये किमतीवर ट्रेड करत आहे.
अदानी एंटरप्रायझेस स्टॉकचा सापेक्ष सामर्थ्य निर्देशांक म्हणजेच RSI 49.5 अंकावर आहे. म्हणजेच हा स्टॉक ओव्हरबॉट किंवा ओव्हरसोल्ड झोनमध्ये ट्रेड करत नाही. अदानी एंटरप्रायझेस स्टॉक आपल्या 5 दिवस, 10 दिवस, 50 दिवस, 100 दिवस, 150 दिवसांपेक्षा SMA पेक्षा कमी किमतीवर मात्र 20 दिवस, 30 दिवस आणि 200 दिवसांच्या SMA पेक्षा जास्त किमतीवर ट्रेड करत आहे.2024 या वर्षात अदानी एंटरप्रायझेस स्टॉक 7.26 टक्क्यांनी वाढला आहे.
मागील एका वर्षात या कंपनीच्या शेअरने आपल्या गुंतवणुकदारांना 28 टक्के परतावा कमावून दिला आहे. अदानी एंटरप्रायझेस कंपनीच्या व्यवस्थापन मंडळाने 16 ऑगस्ट 2024 रोजी आयोजित करण्यात आलेल्या बैठकीत 1,000 रुपये दर्शनी मूल्य असलेले नॉन-कन्व्हर्टेबल डिबेंचर जारी करण्याचा प्रस्ताव मंजूर केला होता. यामध्ये कंपनीने 400 कोटी रुपयेपर्यंत ओव्हर-सबस्क्रिप्शन पातळी राखून ठेवण्याचा पर्याय ठेवला आहे.
