Adani Group Shares | अदानी ग्रुप कंपनीच्या शेअरमध्ये पुन्हा तेजी, गुंतवणूकीपूर्वी सर्व शेअर्सची कामगिरी पाहा

Adani Group Shares | 24 जानेवारी 2023 रोजी अमेरिका स्थित हिंडनबर्ग फर्मने एक अहवाल जारी केला होता. आणि या अहवालात अदानी समूहावर गैर प्रकार केल्याचा ठपका ठेवण्यात आला होता. परिणाम स्वरूप अदानी समुहाचे शेअर्स क्रॅश झाले. गुंतवणूकदारांना प्रचंड मोठ्या नुकसानीला सामोरे जावे लागले.

सुप्रीम कोर्टाच्या पॅनलकडून क्लीन चिट
भारतीय शेअर बाजार सलग काही दिवस विक्रीच्या दबावात ट्रेड करत होता. यावर प्रतिक्रिया म्हणून अदानी समूहाने कायदेशीर कारवाई करण्याचा निर्णय घेतला. आणि चौकशी करण्यासाठी सर्वोच्च न्यायालयाने एक समिती गठीत केली. या समितीने नुकताच आपला अहवाल जाहीर केला आहे.

शेअर्स सुसाट वेगात
सुप्रीम कोर्टाच्या पॅनलकडून अदानी समुहाला क्लीन चिट देण्यात आली आहे. यामुळे अदानी समूहातील कंपन्याचे शेअर्स सुसाट वेगात धावू लागले आहेत. याचा सर्वात जास्त फायदा अदानी एंटरप्रायझेस कंपनीला झाला आहे. अदानी एंटरप्रायझेस कंपनीचे शेअर्स काल 15 टक्के वाढीसह 2726.15 रुपये किमतीवर ट्रेड करत होते.

अदानी एंटरप्रायझेस शेअर्स
तर सोमवारच्या ट्रेडिंग सेशनमध्ये अदानी एंटरप्रायझेस कंपनीचे शेअर्स 18.8 टक्के वाढीसह 2325.55 रुपये किमतीवर क्लोज झाले होते. आज बुधवार दिनांक 24 मे 2023 रोजी या कंपनीचे शेअर्स 5.00 टक्के घसरणीसह 2,502.00 रुपये किमतीवर ट्रेड करत आहेत.

शेअर्स अप्पर सर्किटमध्ये
अदानी समूहाच्या अनेक कंपन्यांचे शेअर्स काल अप्पर सर्किटमध्ये ट्रेड करत होते. अदानी पॉवर कंपनीचा शेअर मंगळवारच्या ट्रेडिंग सेशनमध्ये 5 टक्के वाढीसह 260.40 रुपये किमतीवर ट्रेड करत होता. तर आज हा स्टॉक 0.21 टक्के घसरणीसह 259.70 रुपये किमतीवर ट्रेड करत आहे. अदानी ट्रान्समिशन कंपनीचे शेअर्स आज 5.00 टक्के वाढीसह 911.40 रुपये किमतीवर ट्रेड करत आहेत. तर अदानी ग्रीन एनर्जी कंपनीचे शेअर्स 0.64 टक्के घसरणीसह 982.45 रुपये किमतीवर ट्रेड करत आहे. तर अदानी टोटल गॅस कंपनीचे शेअर्स 4.26 टक्के वाढीसह 790.90 रुपये किमतीवर ट्रेड करत आहे.

आज अदानी विल्मार कंपनीचे शेअर्स 4.74 टक्के घसरणीसह 465.55 रुपये किमतीवर ट्रेड करत आहेत. तर अदानी पोर्टर्ट्स अँड स्पेशल इकॉनॉमिक झोन कंपनीचे शेअर्स 2.25 टक्के घसरणीसह 717.50 रुपये किमतीवर ट्रेड करत आहे. आज NDTV कंपनीचे शेअर्स 4.99 टक्के वाढीसह 206.05 रुपये किमतीवर ट्रेड करत आहेत. तर अंबुजा सिमेंट कंपनीचे शेअर्स 0.55 टक्के घसरणीसह 424.95 रुपये किमतीवर ट्रेड करत आहेत.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Group Shares today on 24 May 2023.