Adani Power Share Price | अदानी समूहाचा भाग असलेल्या अदानी पॉवर कंपनीच्या शेअरमध्ये जबरदस्त उलाढाल पाहायला मिळत आहे. कालच्या इंट्रा-डे ट्रेडमध्ये अदानी पॉवर स्टॉक दीड टक्क्यांच्या वाढीसह ट्रेड करत होता. तर आज देखील या कंपनीचे शेअर्स मजबूत तेजीत वाढत आहेत.
अर्डोर इन्व्हेस्टमेंट होल्डिंग आणि इमर्जिंग मार्केट इन्व्हेस्टमेंट DMCC ने 26 सप्टेंबर ते 16 नोव्हेंबर दरम्यान अदानी पॉवर कंपनीचे शेअर्स खरेदी करून आपली आपले स्टेक वाढवले आहे. म्हणून अदानी पॉवर कंपनीच्या शेअरमध्ये वाढ पाहायला मिळत आहे. आज मंगळवार दिनांक 21 नोव्हेंबर 2023 रोजी अदानी पॉवर स्टॉक 0.86 टक्के वाढीसह 393.30 रुपये किमतीवर ट्रेड करत आहेत.
अदानी पॉवर कंपनीच्या दोन्ही मुख्य प्रवर्तकांनी खुल्या बाजारातून स्टॉक खरेदी करून आपले स्टेक वाढवले आहेत. Ardor Investment कंपनीने 7.42 कोटी शेअर्स खरेदी करून आपले भाग भांडवल 1.93 टक्क्यांवर नेले आहे. इमर्जिंग मार्केट इन्व्हेस्टमेंट DMCC कंपनीने अदानी पॉवर कंपनीचे 50 लाख शेअर्स खरेदी करून आपले भाग भांडवल 0.13 टक्क्यांनी वाढवले आहे.
या गुंतवणूकदारांनी खुल्या बाजारातील हा व्यवहार 26 सप्टेंबर ते 16 नोव्हेंबर 2023 दरम्यान केला आहे. सप्टेंबर 2023 तिमाहीच्या शेअर होल्डिंग डेटानुसार अदानी पॉवर कंपनीमध्ये आर्डोर इन्व्हेस्टमेंट कंपनीने 0.80 टक्के भाग भांडवल धारण केले होते. तर इमर्जिंग मार्केट इन्व्हेस्टमेंट DMCC कंपनीने 5.61 टक्के भाग भांडवल धारण केले आहे.
अदानी पॉवर कंपनीच्या या दोन्ही मुख्य प्रवर्तकाने अदानी पॉवरमध्ये दुसऱ्यांदा आपले भाग भांडवल प्रमाण वाढवले आहे. यापूर्वी सप्टेंबर 2023 मध्ये फोर्टीट्यूड ट्रेड अँड इन्व्हेस्टमेंट आणि इमर्जिंग मार्केट इन्व्हेस्टमेंट डीएमसीसीने अदानी पॉवर कंपनीचे भाग भांडवल खरेदी केले होते. 5 सप्टेंबर ते 21 सप्टेंबर 2023 दरम्यान फोर्टीट्यूड ट्रेड अॅड इन्व्हेस्टमेंट कंपनीने अदानी पॉवर कंपनीने खुल्या बाजारातून 6.59 कोटी शेअर्स खरेदी केले होते.
सप्टेंबर 2023 च्या तिमाहीत अदानी पॉवर कंपनीच्या प्रवर्तकांनी 70.02 टक्के भाग भांडवल धारण केले होते. सप्टेंबर 2023 तिमाही डेटानुसार एसबी अदानी फॅमिली ट्रस्ट कंपनीने अदानी पॉवर कंपनीचे 36.86 टक्के आणि फ्लोरीश ट्रेड अँड इन्व्हेस्टमेंट कंपनीने अदानी पॉवर कंपनीचे 11.46 टक्के भाग भांडवल धारण केले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
