Adani Total Gas Share Price | अदानी टोटल गॅसचा शेअर खरेदी करावा? शेअर रोज लोअर सर्किट स्पर्श करतोय, नेमकं कारण काय?

Adani Total Gas Share Price | यावर्षीच्या सुरुवातीला हिंडनबर्ग फर्मने अदानी समुहाच्या कंपनीवर अहवाल जारी केला, आणि अदानी ग्रुपचे शेअर्स क्रॅश झाले. अदानी समूहाने सर्व प्रयत्न करून देखील शेअर काही सावरले नाही. अनेक कंपन्याच्या शेअरमध्ये विक्रीचा दबाव वाढला आहे. यापैकीच एक ‘अदानी टोटल गॅस’ कंपनीचे शेअर मंगळवारच्या ट्रेडिंग सेशनमध्ये 5 टक्के लोअर सर्किटसह 738.60 रुपये नीचांक किंमत पातळीवर ट्रेड करत होते.

नुकताच अदानी टोटल गॅस कंपनीला सेबीने एएसएम मधून बाहेर काढले आहे. असे असून देखील स्टॉकमधील पडझड काही थांबत नाही. YTD आधारे अदानी टोटल गॅस कंपनीचे शेअर्स 79.19 टक्क्यांनी कमजोर झाले आहेत. मे 2023 या महिन्यात 11 पैकी आठ ट्रेडिंग सेशनमध्ये अदानी टोटल गॅस कंपनीचे शेअर्स घसरणीसह ट्रेड करत होते. आज बुधवार दिनांक 17 मे 2023 रोजी या कंपनीचे शेअर्स 5.00 टक्के घसरणीसह 701.70 रुपये किमतीवर ट्रेड करत आहेत.

कंपनीच्या लेखा परीक्षकांवर प्रश्न उपस्थित :
अहमदाबाद, गुजरात स्थित चार्टर्ड अकाउंटन्सी फर्मने अदानी टोटल गॅस कंपनीच्या ऑडिटर पदाचा त्याग केला आहे. अदानी एंटरप्रायझेस आणि अदानी टोटल गॅस कंपनीचे स्वतंत्र लेखा परीक्षक म्हणून शाह धंधरिया अँड कंपनी यांच्या नियुक्तीवर हिंडेनबर्गच्या अहवालात प्रश्नचिन्ह आणि संशय उपस्थित करण्यात आला होता. यानंतर आता अदानी टोटल गॅस कंपनीच्या ऑडिटरने आपल्या पदाचा राजीनामा दिला आहे.

सर्वोच्च न्यायालयाच्या आदेशानंतर हिंडेनबर्ग फर्मच्या अहवालात अदानी ग्रुपवर जे आरोप करण्यात आले होते, त्यांवर SEBI तपास करत आहे. सेबीने तपासासाठी सर्वोच्च न्यायालयाकडे सहा महिन्यांचा अतिरिक्त वेळ मागितला होता, मात्र आज सर्वोच्च न्यायालयाने तीन महिन्यात चौकशी पूर्ण करण्याचा आदेश दिला आहे.

मार्च 2023 ला संपलेल्या तिमाहीत अदानी टोटल कंपनीच्या निव्वळ नफ्यात 21 टक्क्यांची जबरदस्त वाढ नोंदवली गेली आहे. या तिमाहीत कंपनीचा नफा 20.74 टक्क्यांच्या वाढीसह 97.91 कोटी रुपये नोंदवला गेला आहे. मागील वर्षी याच कालावधीत कंपनीचा निव्वळ नफा 81.09 कोटी रुपये नोंदवला गेला होता. ही कंपनी अदानी ग्रुप आणि फ्रान्सच्या टोटल एनर्जी कंपनीचा संयुक्त उपक्रम म्हणून सुरू करण्यात आली होती.

स्टॉकबाबत तज्ञांचे मत :
Tips 2 Trades फर्मच्या तज्ज्ञांच्या मते, अदानी टोटल गॅस कंपनीचा स्टॉक मंदीच्या गर्तेत अडकला आहे. तेजीच्या ट्रेंडमध्ये हा स्टॉक 940-1,040 रुपयेपर्यंत वाढू शकतो. शेअर इंडिया फर्मचे तज्ञ म्हणतात की, अदानी टोटल गॅस कंपनीचे शेअर आणखी घसरून 650 रुपयेवर येऊ शकतात. या कंपनीच्या स्टॉकमध्ये मंदीचे संकेत पाहायला मिळत आहे. पुढील काही दिवसांत या कंपनीचे शेअर्स 640-600 रुपयांपर्यंत घसरण्याचा अंदाज तज्ञांनी व्यक्त केला आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Total Gas share today on 17 May 2023.