Alok Industries Share Price | आलोक इंडस्ट्रीज कंपनीचे शेअर्स गुरुवारच्या ट्रेडिंग सेशनमध्ये 12.5 टक्के वाढीसह 20.11 रुपये किमतीवर ट्रेड करत होते. आज देखील या स्टॉकमध्ये मजबूत तेजी पाहायला मिळत आहे. सध्या हा स्टॉक 21.7 रुपये या आपल्या 52 आठवड्यांच्या उच्चांक किंमत पातळी जवळ ट्रेड करत आहे.
कालच्या ट्रेडिंग सेशनमध्ये हा स्टॉक सुसाट तेजीत धावत होता, त्या तुलनेत आज शेअर संथ गतीत वाढत आहे. आज शुक्रवार दिनांक 1 सप्टेंबर 2023 रोजी आलोक इंडस्ट्रीज कंपनीचे शेअर्स 1.01 टक्के वाढीसह 20.05 रुपये किमतीवर ट्रेड करत आहे.
काही वर्षापुर्वी आलोक इंडस्ट्रीज या कंपनीमध्ये भारतातील सर्वात श्रीमंत व्यापारी मुकेश अंबानी गुंतवणूक केली होती. आता ही कंपनी मुकेश अंबानी यांच्या उद्योग समुहाचा भाग म्हणून व्यवसाय करते. 14 ऑगस्ट 2023 रोजी मुकेश अंबानी यांनी चालू आर्थिक वर्षात आपल्या मालकीच्या रिलायन्स इंडस्ट्रीज कंपनीमार्फत आपल्या उपकंपन्यांमध्ये 14,200 कोटी रुपयेची गुंतवणूक करणार अशी घोषणा केली होती. यापैकी 7,000 कोटी रुपये आलोक इंडस्ट्रीज कंपनीमध्ये गुंतवले जाणार आहे.
मागील एका महिन्यात आलोक इंडस्ट्रीज कंपनीच्या शेअरने आपल्या गुंतवणुकदारांना 22 टक्के परतावा कमावून दिला आहे. आलोक इंडस्ट्रीज कंपनीमध्ये RIL कंपनीने गुंतवणूक करून 40.01 टक्के भाग भांडवल खरेदी केले आहेत. तर JM ARC कंपनीने आलोक इंडस्ट्रीज कंपनीचे 34.99 टक्के भाग भांडवल धारण केले आहे. आलोक इंडस्ट्रीज ही कंपनी मुख्यतः कापूस आणि पॉलिस्टर क्षेत्रात व्यवसाय करते. आणि ही कंपनी भारतातील सर्वात मोठी पूर्णतः एकात्मिक वस्त्र व्यवसाय करणारी कंपनी आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
