Ashok Leyland Share Price | अशोक लेलँड या ऑटोमोबाईल कंपनीचे शेअर्स सोमवारी 8 टक्के वाढीसह 227.50 रुपये किमतीवर ट्रेड करत होते. स्टॉकमध्ये वाढ होण्याचे मुख्य कारण म्हणजे, कंपनीने मार्च 2024 तिमाहीचे उत्कृष्ट निकाल जाहीर केले आहेत. मार्च तिमाही निकालानंतर अनेक ब्रोकरेज कंपन्यानी हा स्टॉक बिनधास्त खरेदी करण्याचा सल्ला दिला आहे. ( अशोक लेलँड कंपनी अंश )
एमके इन्स्टिट्यूशनल इक्विटीज फर्मच्या तज्ञांनी अशोक लेलँड स्टॉकवर 250 रुपये टार्गेट प्राइस जाहीर केली आहे. मोतीलाल ओसवाल फर्मच्या तज्ञांनी अशोक लेलँड स्टॉकवर 245 रुपये टार्गेट प्राइस जाहीर केली आहे. तर अँटिक स्टॉक ब्रोकिंग फर्मने अशोक लेलँड स्टॉकवर 248 रुपये टार्गेट प्राइस जाहीर केली आहे.
आज मंगळवार दिनांक 28 मे 2024 रोजी अशोक लेलँड स्टॉक 0.24 टक्के वाढीसह 227.25 रुपये किमतीवर ट्रेड करत आहे. नुकताच अशोक लेलँड कंपनीने केएम बालाजी यांना कंपनीचे मुख्य वित्तीय अधिकारी म्हणून नियुक्त केल्याची घोषणा केली आहे. आणि कंपनीचे सीएफओ आणि पूर्ण वेळ संचालक गोपाल महादेवन हे डायरेक्टर-स्ट्रॅटेजिक फायनान्स आणि M&A म्हणून काम करतील.
आपल्या नवीन पदाची जबाबदारी हाताळताना गोपाळ महादेवन अशोक लेलँड कंपनीच्या उपकंपन्यांचा विकास अजेंडा तसेच M&A धोरणांवर अधिक लक्ष केंद्रित करणार आहे. मार्च तिमाहीत अशोक लेलँड कंपनीचा निव्वळ नफा जवळपास 17 टक्क्यांच्या वाढीसह 933.69 कोटी रुपये नोंदवला गेला आहे. 2022-23 च्या याच तिमाहीत कंपनीने 799.87 कोटी रुपये निव्वळ नफा कमावला होता.
आर्थिक वर्ष 2022-23 च्या चौथ्या तिमाहीत अशोक लेलँड कंपनीने 13,229.50 कोटी रुपये महसूल संकलित केला होता. जो आता मार्च 2024 मध्ये 13,613.29 कोटी रुपये नोंदवला गेला आहे. संपूर्ण आर्थिक वर्ष 2023-24 मध्ये अशोक लेलँड कंपनीचा एकूण महसूल 45,931.22 कोटी रुपये संकलित केला आहे. मागील आर्थिक वर्षात या कंपनीने 41,779.71 कोटी रुपये महसूल नोंदवला होता. मागील एका वर्षभरात अशोक लेलँड कंपनीच्या भारताती शोरुमच्या संख्येत 246 नवीन शोरूमची भर पडली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
