Avantel Share Price | अवांटेल लिमिटेड या स्मॉलकॅप डिफेन्स कंपनीला भारत इलेक्ट्रॉनिक्स लिमिटेड या सरकारी कंपनीने (NSE: AVANTEL) सॅटेलाइट कम्युनिकेशन उपकरणे तयार करण्याची ऑर्डर दिली आहे. अवांटेल लिमिटेड कंपनीचे बाजार भांडवल 4,238.97 कोटी रुपये आहे. 26 सप्टेंबर रोजी या कंपनीचे शेअर्स 179.65 रुपये किमतीवर ओपन झाले होते. त्यानंतर हा स्टॉक 2 टक्के वाढीसह 178 रुपये किमतीवर पोहोचला होता. (अवांटेल लिमिटेड कंपनी अंश)
कंपनीला ऑर्डर मिळाली
अवांटेल लिमिटेड कंपनीला भारत इलेक्ट्रॉनिक्सकडून सॅटेलाइट कम्युनिकेशन उपकरणांचे उत्पादन करण्याची जी ऑर्डर मिळाली आहे, त्याचे एकूण मूल्य 3.45 कोटी रुपये आहे. आज शुक्रवार दिनांक 27 सप्टेंबर 2024 रोजी अवांटेल लिमिटेड कंपनीचे शेअर्स 0.035 टक्के वाढीसह 172.75 रुपये किमतीवर क्लोज झाले आहेत.
मागील 5 वर्षात दिला 5000% परतावा
मागील 5 वर्षात अवांटेल लिमिटेड कंपनीच्या शेअर्सने आपल्या गुंतवणूकदारांना 5,000 टक्के परतावा कमावून दिला आहे. मागील एका महिन्यात या कंपनीच्या शेअर्समध्ये सहा टक्के घसरण पाहायला मिळाली होती. मागील सहा महिन्यात या कंपनीच्या शेअर्सने आपल्या गुंतवणूकदारांना 74 टक्के परतावा कमावून दिला आहे. मागील एक वर्ष, दोन आणि तीन वर्ष या काळात अवांटेल लिमिटेड कंपनीचे शेअर्स अनुक्रमे 136.5 टक्के, 782 टक्के आणि 1336 टक्के वाढले आहेत.
कंपनी बद्दल
अवांटेल लिमिटेड ही कंपनी मुख्यतः जहाजे, पाणबुड्या, विमाने, हेलिकॉप्टर यासह संरक्षण प्लॅटफॉर्मसाठी सानुकूलित उपायांची रचना, निर्मिती करण्याचा व्यवसाय करते. या कंपनीच्या ग्राहकांमध्ये बोईंग, लॉकहीड मार्टिन, इंडियन स्पेस रिसर्च ऑर्गनायझेशन, डिफेन्स रिसर्च अँड डेव्हलपमेंट ऑर्गनायझेशन, भाभा ॲटोमिक रिसर्च सेंटर, लार्सन अँड टुब्रो, भारतीय रेल्वे, भारत इलेक्ट्रॉनिक्स, भारत डायनॅमिक्स, गोवा शिपयार्ड आणि कोचीन शिपयार्ड यांसारख्या दिग्गज कंपन्या सामील आहेत. अवांटेल लिमिटेड ही कंपनी आपली उत्पादने भारतीय लष्कर, भारतीय नौदल आणि भारतीय हवाई दलाला पुरवते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
