Bank Account Alert | एटीएम मशीनमधून पैसे काढल्यास ही बातमी तुमच्यासाठी उपयुक्त ठरू शकते. आता एटीएममधून ठरवून दिलेल्या फ्री लिमिटनंतर पैसे काढण्यासाठी तुम्हाला जास्त शुल्क भरावे लागू शकते. देशातील एटीएम चालकांनी रिझर्व्ह बँक ऑफ इंडिया (आरबीआय) आणि नॅशनल पेमेंटकॉर्पोरेशन ऑफ इंडियाकडे (एनपीसीआय) संपर्क साधला आहे. एटीएम ऑपरेटरइंटरचेंज चार्जेसमध्ये वाढ करण्याची मागणी करत आहेत.
ATM चार्जेस बाबत मागणी काय?
इकॉनॉमिक टाइम्सच्या वृत्तानुसार, कॉन्फेडरेशन ऑफ एटीएम इंडस्ट्री (CATMI) इंटरचेंज फी वाढवून जास्तीत जास्त 23 रुपये प्रति व्यवहार करण्याची मागणी करत आहे. यामुळे व्यवसायासाठी अधिक निधी मिळण्यास मदत होईल.
एटीएम निर्माता एजीएस ट्रान्झॅक्ट टेक्नॉलॉजीजचे कार्यकारी संचालक स्टॅनली जॉन्सन यांनी सांगितले की, दोन वर्षांपूर्वी इंटरचेंज रेट मध्ये वाढ करण्यात आली होती. आम्ही आरबीआयशी संपर्क साधत आहोत आणि ते दरवाढीचे समर्थन करतात असे दिसते. आम्ही म्हणजेच CATMI ने शुल्क वाढवून 21 रुपये करण्याची विनंती केली आहे. तर अन्य काही एटीएम निर्मात्यांनी ती वाढवून 23 रुपये करण्याची मागणी केली आहे. मात्र, रिझर्व्ह बँकेकडून याबाबत कोणतीही अधिकृत माहिती देण्यात आलेली नाही. एका एटीएम उत्पादकाच्या म्हणण्यानुसार, इंटरचेंज चार्जेसमध्ये वाढ हा एनपीसीआयने घेतलेला निर्णय आहे कारण दर तेच ठरवतात.
2021 मध्ये त्यात वाढ झाली होती
2021 मध्ये एटीएम ट्रान्झॅक्शनवरील इंटरचेंज चार्ज 15 रुपयांवरून 17 रुपये करण्यात आला होता. एटीएम इंटरचेंज म्हणजे कार्ड जारी करणार् या बँकेने ज्या बँकेत पैसे काढण्यासाठी कार्डचा वापर केला जातो त्या बँकेला भरलेले शुल्क. उच्च इंटरचेंज चार्जमुळे खर्च भरून काढण्यासाठी बँका ग्राहकांकडून मोफत व्यवहार केल्यानंतर आकारण्यात येणाऱ्या शुल्कात वाढ करू शकतील. सध्या ग्राहकांकडून व्यवहारानंतर 21 रुपयांपर्यंत शुल्क आकारले जात आहे.
सध्या बचत खातेधारकांसाठी महिन्याला किमान पाच व्यवहार मोफत आहेत. तर काही बँका अशा आहेत ज्यांचे एटीएमवरील तीन व्यवहार मोफत आहेत. यानंतर वेगवेगळ्या बँकांच्या एटीएममधूनही वेगवेगळ्या प्रकारचे शुल्क आकारले जाते.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
