Bank of Maharashtra | सणासुदीपूर्वी सरकारी बँक ऑफ महाराष्ट्रने आपल्या ग्राहकांना मोठी भेट दिली आहे. बँकेने मुदत ठेवींवरील (एफडी) व्याजदरात वाढ केली आहे. बँक ऑफ महाराष्ट्रने एफडीवरील व्याजदरात 125 बेसिस पॉईंट म्हणजेच 1.25 टक्के वाढ केली आहे. हे नवे दर १२ ऑक्टोबरपासून म्हणजेच आजपासून लागू होतील.
नवे दर एफडी तसेच विशेष योजनांनाही लागू असतील
बँकेने ठरवून दिलेल्या कालावधीनुसार एफडी तसेच विशेष योजनांना नवीन व्याजदर लागू होईल, असे बँकेने म्हटले आहे. बँकेने म्हटले आहे की, वाढीव नवीन व्याजदरामुळे व्यक्ती आणि व्यवसायांना अधिक बचत करण्यास प्रोत्साहन मिळेल. बँकेने 46 ते 90 दिवसांच्या कालावधीसाठी एफडी दरात 125 बीपीएसने वाढ केली आहे.
आता किती व्याज मिळणार?
नव्या व्याजदरानुसार ग्राहकांना 1 वर्षाच्या कालावधीसाठी 6.50 टक्के आणि ग्राहकांना एक वर्षापेक्षा जास्त कालावधीच्या ठेवींवर 25 बीपीएस म्हणजेच 6.25 टक्के व्याज मिळणार आहे.
200/400 दिवसांच्या विशेष योजनेअंतर्गत ज्येष्ठ नागरिकांना 7.5 टक्क्यांपर्यंत आकर्षक डिपॉझिट रेट मिळेल, जो सामान्य नागरिकांकडून 50 बीपीएसचा अतिरिक्त फायदा आहे. बँकेचे आकर्षक व्याजदर अल्प आणि दीर्घ मुदतीच्या बचत दारांसाठी आकर्षक पर्याय ठरू शकतात.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
