Bharti Hexacom IPO | टेलिकॉम ऑपरेटर भारती एअरटेलची उपकंपनी असलेल्या भारती हेक्साकॉमचा आयपीओ 3 एप्रिल रोजी खुला होणार आहे. गुंतवणूकदारांना 5 एप्रिलपर्यंत या आयपीओमध्ये गुंतवणूक करण्याची संधी असेल. आयपीओच्या प्राइस बँडची घोषणा पुढील आठवड्यात केली जाईल. भारती हेक्साकॉमच्या आयपीओमध्ये केवळ ऑफर-फॉर-सेल (OFS) चा समावेश आहे, ज्यात कोणताही नवीन इश्यू घटक नाही.
टेलिकॉम कन्सल्टंट्स इंडिया ही कंपनीची एकमेव सार्वजनिक भागधारक कंपनी ओएफएसमधील 7.5 कोटी इक्विटी शेअर्स म्हणजेच 15 टक्के हिस्सा विकणार आहे. अँकर गुंतवणूकदारांना 2 एप्रिल रोजी शेअर्ससाठी बोली लावता येणार आहे. नवीन आर्थिक वर्ष 2024-25 मधील हा पहिला आयपीओ असेल. प्रवर्तक भारती एअरटेलचा 70 टक्के हिस्सा आहे.
उर्वरित 30 टक्के (15 कोटी रुपये) हिस्सा टेलिकॉम कन्सल्टंट्स इंडियाकडे आहे. कम्युनिकेशन सोल्युशन्स प्रोव्हायडरने इश्यू साइज च्या 75 टक्के हिस्सा पात्र संस्थात्मक खरेदीदारांसाठी, 15 टक्के बिगर संस्थात्मक गुंतवणूकदारांसाठी आणि उर्वरित 10 टक्के किरकोळ गुंतवणूकदारांसाठी राखीव ठेवला आहे.
या दिवशी होणार लिस्टिंग
भारती हेक्साकॉमचा आयपीओ १२ एप्रिलरोजी लिस्ट होण्याची शक्यता आहे. भारती हेक्साकॉम राजस्थान आणि ईशान्य दूरसंचार सर्कलमधील ग्राहकांना एअरटेल ब्रँड अंतर्गत ग्राहक मोबाइल सेवा, फिक्स्ड लाइन टेलिफोन आणि ब्रॉडबँड सेवा पुरवते.
एअरटेलच्या शेअरमध्ये वाढ
भारती एअरटेलच्या शेअरमध्ये शेअर बाजारात तेजी पाहायला मिळत आहे. गेल्या वर्षभरात कंपनीच्या शेअरच्या किंमतीत ६३ टक्क्यांहून अधिक वाढ झाली आहे. तर गेल्या महिन्याभरात 8 टक्क्यांहून अधिक परतावा मिळाला आहे. शुक्रवारी एअरटेलचा शेअर तेजीसह 1236.10 च्या पातळीवर बंद झाला.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
