Bonus Shares | सध्या जर तुम्ही शेअर बाजारात गुंतवणूक करून मोफत बोनस शेअर्स मिळवू इच्छित असाल तर तुमच्यासाठी खुशखबर आहे. सनशाइन कॅपिटल लिमिटेड कंपनीने आपल्या पात्र शेअर धारकांना मोफत बोनस शेअर्स आणि स्टॉक स्प्लिटचा लाभ देण्याची घोषणा केली आहे. या कंपनीच्या शेअर्सची किंमत 300 रुपयांपेक्षा कमी आहे. आज सोमवार दिनांक 4 मार्च 2024 रोजी सनशाइन कॅपिटल लिमिटेड कंपनीचे शेअर्स 1.99 टक्के वाढीसह 284.15 रुपये किमतीवर ट्रेड करत आहे. ( सनशाइन कॅपिटल लिमिटेड कंपनी अंश )
सनशाइन कॅपिटल लिमिटेड कंपनीच्या शेअर्सचे दर्शनी मूल्य 10 रुपये आहे. या कंपनीने आपले शेअर्स 10 तुकड्यात विभाजित करण्याचा निर्णय घेतला आहे. त्यानंतर या कंपनीच्या शेअर्सचे दर्शनी मूल्य प्रति शेअर 1 रुपये होईल. स्टॉक स्प्लिटनंतर सनशाइन कॅपिटल लिमिटेड कंपनी आपल्या शेअरधारकांना 1 रुपये दर्शनी मुल्य असलेले 7 बोनस शेअर्स मोफत देणार आहे. या कंपनीने स्टॉक स्प्लिट आणि बोनस इश्यूची पात्रता निश्चित करण्यासाठी 8 मार्च 2024 हा दिवस रेकॉर्ड डेट म्हणून निश्चित केला आहे.
शनिवारच्या विशेष ट्रेडिंग सेशनमध्ये सनशाइन कॅपिटल लिमिटेड कंपनीचे शेअर्स 2 टक्क्यांच्या वाढीसह 278.60 रुपये किमतीवर ट्रेड करत होते. मागील एका महिन्यात या कंपनीच्या शेअर्सने आपल्या गुंतवणुकदारांना 48 टक्क्यांपेक्षा जास्त परतावा कमावून दिला आहे.
मागील 6 महिन्यात या कंपनीच्या शेअर्सने आपल्या गुंतवणुकदारांना 552 टक्के नफा कमावून दिला आहे. या कंपनीच्या शेअर्सची 52 आठवड्यांची उच्चांक किंमत पातळी 278.60 रुपये होती. तर नीचांक किंमत पातळी 34.49 रुपये होती. या कंपनीचे एकूण बाजार भांडवल 362.76 कोटी रुपये आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
