IPO GMP in Focus| DCX Systems कंपनीचा IPO गुंतवणुकीसाठी शेअर बाजारात खुला करण्यात आला आहे. या कंपनीच्या आयपीओ ला गुंतवणूकदारांनी उदंड प्रतिसाद दिला आहे. DCX Systems कंपनीचा IPO आतपर्यंत 70 पट अधिक सबस्क्राइब झाला असल्याची माहिती मिळत आहे. 500 कोटी रुपयांच्या या पब्लिक इश्यूमध्ये किरकोळ गुंतवणूकदारांसाठी राखीव ठेवण्यात आलेला कोटा 61.77 पट अधिक सबस्क्राइब झाला आहे. DCX कंपनीच्या आयपीओला लोकांकडून भरघोस प्रतिसाद मिळत असून शेअर्स ग्रे मार्केटमध्ये तेजीत ट्रेड करत आहेत. सध्या DCX Systems कंपनीचे शेअर्स ग्रे मार्केटमध्ये 80 रुपये प्रीमियम किमतीवर ट्रेड करत आहेत.
DCX सिस्टीम्स कंपनीच्या शेअर्सची किंमत ग्रे मार्केटमध्ये 80 रुपये प्रीमियमवर गेली आहे. शेअर बाजार निरीक्षकांच्या मते DCX कंपनीचा शेअर ग्रे मार्केटमध्ये गुरुवारच्या कलोजींग किमतीच्या तुलनेत 12 रुपये जास्त आहे. DCX Systems कंपनीच्या IPO मध्ये शेअरची किंमत 197-207 रुपये दरम्यान निश्चित करण्यात आली आहे. जर याकंपनीचे शेअर्स 207 रुपयांपेक्षा वरच्या किंमतीवर वाटप झाले तर, स्टॉक 80 रुपयांच्या प्रीमियमवर सूचीबद्ध होण्याची शक्यता आहे. DCX सिस्टम्स कंपनीचे शेअर्स 287 रुपये किमतीवर सूचीबद्ध होतील असा अंदाज तज्ञांनी व्यक्त केला आहे. म्हणजेच या कंपनीचे शेअर्स इश्यू किमतीपेक्षा 42 टक्क्यांनी जास्त किमतीवर सूचीबद्ध होतील.
IPO ची लिस्टिंग :
DCX कंपनीचे शेअर्स 11 नोव्हेंबर 2022 रोजी स्टॉक एक्सचेंजमध्ये सूचीबद्ध होतील. केबल्स आणि वायरलेस हार्नेस असेंब्ली बनवणारी DCX कंपनी IPO च्या शेअर्सचे वाटप सोमवार 7 नोव्हेंबर 2022 रोजी पूर्ण करेल. DCX च्या IPO मधील शेअर विक्री करण्यासाठी लिंक इनटाइम इंडियाला रजिस्ट्रार म्हणून नियुक्त करण्यात आले आहे. DCX सिस्टीम कंपनीचे शेअर्स 11 नोव्हेंबर 2022 रोजी बॉम्बे स्टॉक एक्सचेंज/BSE आणि नॅशनल स्टॉक एक्सचेंज/NSE वर सूचीबद्ध केले जातील. भारतातील बहुतेक ब्रोकरेज फर्मने DCX सिस्टम्सच्या IPO ला सकारात्मक रेटिंग देऊन गुंतवणूक करण्याचा सल्ला दिला आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
