EPFO Passbook | खाजगी क्षेत्रांमध्ये काम करणाऱ्या नोकरदारांसाठी ईपीएफ म्हणजेच कर्मचारी भविष्य निधी फंड ही एक रिटायरमेंट स्कीम असून, निवृत्तीपर्यंत चांगला निधी जमा करून ठेवण्यासाठी फायद्याची योजना आहे.
यामध्ये खाजगी क्षेत्रातील कर्मचाऱ्यांचे काम ईपीएफओ म्हणजेच कर्मचारी भविष्य निधी संघटन या संस्थेअंतर्गत सुरू असते. ईपीएफ अकाउंटमध्ये केवळ कर्मचारीच नाही तर कंपनी आणि नियुक्तांकडून देखील पैसे जमा केले जातात. यामध्ये मूळ पगार + महागाई भत्ता DA चे 12-12 टक्के समाविष्ट असतात.
दरम्यान ईपीएफचे व्याजदर दरवर्षीप्रमाणे सरकारकडून निश्चित केले जाते. सध्या कर्मचाऱ्यांना 8.25 टक्क्याने व्याजदर दिले जात आहे. दरम्यान कर्मचाऱ्याबरोबर एम्प्लॉयर देखील या खात्यात गुंतवणूक करतात. ही गुंतवणूक 3.67% ने असते.
12 हजार पगारावर किती फंडा तयार होईल :
कर्मचाऱ्यांना रिटायरमेंटपर्यंत गरजेसाठी पैसे साठवता यावे यासाठी प्रत्येक महिन्याला त्यांच्या पगारातून ठराविक रक्कम ईपीएफमध्ये जमा केली जाते. यामध्ये गुंतवणूक करून 60 वर्षापर्यंत तुम्ही केवळ 12 हजाराच्या पगारातून 87 मोठा कॉर्पस तयार करून ठेवू शकता. कॅल्क्युलेशन केले जाणारे फंड 8.25% ने आणि 5% वार्षिक पगार इन्क्रिमेंटद्वारे केले जाते.
1) बेसिक सॅलरी + डीए : 12,000
2) गुंतवणुकीचे वय : 25 वर्ष
3) रिटायरमेंटचे वय : 60 वर्ष
4) कर्मचाऱ्याचे योगदान : 12%
5) एम्प्लॉयरचे योगदान : 3.67%
6) ईपीएफवर मिळणारे व्याजदर : 8.25%
7) वार्षिक इन्क्रिमेंट : 5%
अशा पद्धतीने तुमचे योगदान 21,62,586 असेल आणि व्याजाने मिळालेली रक्कम 65,27,742 म्हणजेच तुम्हाला मिळणारी एकूण रक्कम 86,90,310 एवढी असेल.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
