Stock To Buy | सध्याच्या शेअर बाजारातील अस्थिर परिस्थितीचा फायदा घेण्यासाठी जर तुम्ही शेअर बाजारात गुंतवणूक करण्याचा विचार करत असाल तर, आम्ही तुमच्यासाठी एक कामाची बातमी घेऊन आलो आहोत. आज या लेखात आम्ही तुम्हाला एका स्वस्त दरात खरेदीसाठी उपलब्ध असणाऱ्या स्टॉकबद्दल माहिती देणार आहोत. ब्रोकरेज फर्मच्या मते, या स्टॉकमध्ये पुढील काळात मजबूत वाढ होऊ शकते आणि, काही दिवसांतच हा स्टॉक लोकांना बंपर कमाई करून देऊ शकतो. आपण ज्या स्टॉक बद्दल चर्चा करत आहोत त्याचे नाव आहे, “फेडरल बँक”. स्टॉक मार्केट तज्ज्ञ फेडरल बँकेच्या स्टॉकबाबत अतिशय उत्साही दिसून येत आहेत. तज्ञांनी हा स्टॉक बिनधास्त खरेदी करण्याचा सल्ला दिला आहे. फेडरल बँकेच्या शेअर्सने गुरुवारच्या ट्रेडिंग सेशनमध्ये बीएसईवर 136.30 रुपये हा आपला 52 आठवड्यांचा उच्चांक गाठला आहे.
विक्रमी उच्चांकावर शेअर्सची किंमत :
सप्टेंबर तिमाहीतील अप्रतिम निकालानंतर, फेडरल बँकेच्या शेअरमध्ये कमालीची वाढ पाहायला मिळाली आहे. फेडरल बँकेच्या शेअर्सने आज इंट्राडे ट्रेड सेशनमध्ये बीएसई निर्देशांकावर 136.30 रुपये ही आपली 52 आठवड्यांची उच्चांक किंमत पातळी स्पर्श केली आहे . आज या स्टॉकमध्ये 2.10 टक्के वाढ पाहायला मिळाली आहे. फेडरल बँकेच्या शेअर्सची किंमत या वर्षी आतापर्यंत YTD दराने 56 टक्के वधारली आहे. LKP सिक्युरिटीज फर्मने फेडरल बँकेचे शेअर्ससाठी 180 रुपयाची लक्ष किंमत जाहीर केली आहे. LKP सिक्युरिटीज फर्मने स्टॉकला ‘बाय’ रेटिंग देऊन स्टॉक खरेदी करण्याचा सल्ला दिला आहे. IIFL सिक्युरिटीजने फेडरल बँकेचे स्टॉक ‘बाय’ रेटिंग देऊन खरेदी करण्याचा सल्ला दिला आहे. IIFL ने फेडरल बँकेच्या शेअरसाठी 180-200 रुपये लक्ष किंमत जाहीर केली आहे. फेडरल बँक ही लक्ष किंमत पुढील सहा महिन्यांत स्पर्श करेल असा अंदाज व्यक्त करण्यात आला आहे.
तिमाही निकाल :
फेडरल बँकेच्या निव्वळ नफ्यात 52.89 टक्क्यांची वाढ झाली आहे. सप्टेंबर 2022 मध्ये संपलेल्या तिमाहीत फेडरल बँकेचा निव्वळ नफा स्टँडअलोन आधारावर 52.89 टक्क्यांच्या वाढीसह 703.71 कोटी रुपये पर्यंत गेला आहे. फेडरल बँकने बुडित कर्जासाठी तरतूद कमी केल्यामुळे त्यांच्या नफ्यात वाढ दिसून आली आहे. मागील वर्षी याच तिमाहीत फेडरल बँकने 460.26 कोटी रुपयांचा निव्वळ नफा कमावला होता. जुलै-सप्टेंबर 2022 या तिमाहीत बँकेने स्टँडअलोन आधारावर 4,630.30 कोटी रुपये एकूण उत्पन्न कमावले आहे. मागील वर्षी या तिमाहीत कालावधीत फेडरल बँकेने 3,870.90 कोटी रुपये उत्पन्न कमावले होते. या बँकेचे NPA म्हणजेच बुडीत कर्जे सप्टेंबर 2022 च्या तिमाहीच्या अखेरीस 2.46 टक्क्यांवर आले आहे. सप्टेंबर 2021 मध्ये तो फेडरल बँकेचा NPA 3.24 टक्के होता. फेडरल बँकेचा सकल NPA मागील वर्षी 2021 मध्ये 4,445.84 कोटी रुपये होता, जो या वर्षी 4,031.06 कोटी रुपये पर्यंत आला आहे. बँकेचा निव्वळ NPA 1,262.35 कोटी रुपये आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
