GPT Healthcare IPO | सध्या जर तुम्ही शेअर बाजारात गुंतवणूक करून भरघोस कमाई करू इच्छित असाल तर ही बातमी तुमच्या फायद्याची आहे. लवकरच जीपीटी हेल्थकेअर कंपनी आपला IPO गुंतवणुकीसाठी खुला करणार आहे.
या कंपनीने आपल्या IPO साठी शेअर्सची किंमत बँड 177-186 रुपये निश्चित केली आहे. या कंपनीचा IPO 22 फेब्रुवारी ते 26 फेब्रुवारी दरम्यान गुंतवणुकीसाठी खुला असेल. तुम्ही या स्टॉकमध्ये गुंतवणूक करून भरघोस कमाई करू शकतात.
जीपीटी हेल्थकेअर कंपनी 21 फेब्रुवारी 2024 रोजी आपल्या IPO मध्ये अँकर गुंतवणुकदारांना गुंतवणूक करण्याची संधी देणार आहे. या IPO अंतर्गत 40 कोटी रुपये मूल्याचे शेअर्स खुल्या बाजारात विकले जाणार आहेत. याशिवाय, खाजगी इक्विटी कंपनी बनियन ट्री ग्रोथ कॅपिटल आपले 2.6 कोटी शेअर्स ऑफर फॉर सेल अंतर्गत खुला बाजारात विकणार आहे.
बनियन ट्री ग्रोथ कॅपिटल कंपनीने जीपीटी हेल्थकेअर या कोलकाता स्थित कंपनीचे 2.6 कोटी शेअर्स म्हणजेच 32.64 टक्के भाग भांडवल धारण केले आहे. आणि या IPO च्या माध्यमातून बनियन ट्री ग्रोथ कॅपिटल कंपनी आपले सर्व शेअर्स खुल्या बाजारात विकणार आहे. जीपीटी हेल्थकेअर ही कंपनी 2000 साली कोलकातामध्ये आठ खाटांच्या रुग्णालयासह सुरू झाली होती. आता ही कंपनी एकूण 561 खाटांच्या क्षमतेचे विविध सुविधांनी सुसज्ज असे चार रुग्णालये चालवत आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
