HAL Vs BEL Share Price | मंगळवारी लोकसभा निवडणुकीचे निकाल जाहीर झाले आणि शेअर बाजारात अक्षरशः गोंधळ पाहायला मिळाला. अनेक सरकारी कंपन्यांचे शेअर्स 25 टक्क्यांपेक्षा जास्त घसरले होते. एरोस्पेस आणि संरक्षण क्षेत्रात व्यवसाय करणाऱ्या हिंदुस्तान एरोनॉटिक्स लिमिटेड कंपनीचे शेअर्स 2 दिवसात 20 टक्के खाली आले आहेत.
मात्र शेअर बाजारातील तज्ञांच्या मते, एचएएल स्टॉक पुढील काळात 4730 रुपये किमतीच्या पार जाऊ शकतो. आज गुरूवार दिनांक 6 जून 2024 रोजी एचएएल स्टॉक 8.09 टक्के वाढीसह 4,718.10 रुपये किमतीवर ट्रेड करत आहे.
परकीय ब्रोकरेज हाऊस CLSA ने हिंदुस्तान एरोनॉटिक्स लिमिटेड कंपनीच्या शेअर्सवर आउटपरफॉर्म रेटिंग देऊन 4731 रुपये टार्गेट प्राइस जाहीर केली आहे. मंगळवारी एचएएल स्टॉक जबरदस्त घसरणीसह 4337.30 रुपये किमतीवर क्लोज झाला होता. तर बुधवारी या कंपनीचे शेअर 7 टक्क्यांपेक्षा जास्त घसरणीसह 3918.50 रुपये किमतीवर आले होते. या कंपनीच्या शेअर्सची 52 आठवड्यांची उच्चांक किंमत पातळी 5434.90 रुपये होती. तर नीचांक किंमत पातळी 1646.10 रुपये होती.
ब्रोकरेज हाऊस CLSA ने भारत इलेक्ट्रॉनिक्स लिमिटेड कंपनीच्या शेअरवर देखील आऊटपरफॉर्म रेटिंग जाहीर केली आहे. मंगळवारी बीईएल कंपनीचे शेअर्स 19 टक्क्याच्या घसरणीसह ट्रेड करत होते. आज हा स्टॉक मजबूत तेजीत वाढत आहे. तज्ञांच्या मते, हा स्टॉक पुढील काळात आपल्या गुंतवणुकदारांना मालामाल करू शकतो. म्हणून CLSA ने भारत इलेक्ट्रॉनिक्स लिमिटेड कंपनीच्या शेअर्सची टार्गेट प्राइस 294 रुपये निश्चित केली आहे. बुधवारी या कंपनीचे शेअर्स 259.70 रुपये किमतीवर ट्रेड करत होते. तर आज गुरूवार दिनांक 6 जून 2024 रोजी BEL स्टॉक 5.93 टक्के वाढीसह 275.80 रुपये किमतीवर ट्रेड करत आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
