HFCL Share Price | शुक्रवार, 17 जानेवारी 2025 रोजी बीएसएनएलकडून कॉन्ट्रॅक्ट मिळाल्याची अपडेट येताच एचएफसीएल लिमिटेड कंपनी शेअर्समध्ये मजबूत तेजी दिसून आली. शुक्रवारी दिवसभरात एचएफसीएल कंपनी शेअरमध्ये ४.२९ टक्क्यांची तेजी पाहायला मिळाली होती. एचएफसीएल लिमिटेड कंपनीला बीएसएनएल कंपनीकडून २५०१ कोटी रुपयांचा नवीन कॉन्ट्रॅक्ट प्राप्त झाला आहे.
एचएफसीएल कंपनीला मिळालेल्या कॉन्ट्रॅक्टची डिटेल्स
एचएफसीएल लिमिटेड कंपनीला पंजाब टेलिकॉम सर्कलमध्ये भारत नेट फेज-३ साठी २५०१.३० कोटी रुपयांचा कॉन्ट्रॅक्ट प्राप्त झाल्याची माहिती स्टॉक एक्सचेंजला देण्यात आली आहे. पंजाब टेलिकॉम सर्कलमध्ये मिडल माईल नेटवर्कचे डिझाइन, पुरवठा, बांधकाम, स्थापना, अपग्रेडेशन, ऑपरेशन आणि मेंटेनन्सची जबाबदारी एचएफसीएल कंपनीला देण्यात आली आहे. एचएफसीएल कंपनीला हा कॉन्ट्रॅक्ट ३ वर्षांत पूर्ण करावा लागणार आहे, तर १० वर्षे मेंटेनन्स सुद्धा कंपनीला करावा लागणार आहे.
एचएफसीएल कंपनी काय करते?
एचएफसीएल म्हणजे हिमाचल फ्यूचरिस्टिक कम्युनिकेशन्स लिमिटेड कंपनी टेलिकॉम इन्फ्रास्ट्रक्चर सोल्यूशन्सच्या डिझाइन आणि उत्पादन क्षेत्रात कार्यरत असलेली कंपनी आहे. याव्यतिरिक्त, एचएफसीएल कंपनी ऑप्टिकल फायबर केबल प्रोडक्शन आणि डिझाइन देखील करते. एचएफसीएल कंपनी इनडोअर आणि आउटडोअर वाय-फाय ऍक्सेस पॉइंट्स, स्विच, राउटर आणि रेडिओ रिले उत्पादन देखील करते.
एचएफसीएल कंपनी शेअरची सध्याची स्थिती
शुक्रवार, 17 जानेवारी 2025 रोजी एचएफसीएल कंपनी शेअर 0.66 टक्क्यांनी वाढून 103.02 रुपयांवर पोहोचला होता. हिमाचल फ्यूचरिस्टिक कम्युनिकेशन्स लिमिटेड कंपनी शेअरची 52 आठवड्यांची उच्चांकी पातळी 171 रुपये होती, तर शेअरची 52 आठवड्यांची नीचांकी पातळी 80.25 रुपये होती. एचएफसीएल कंपनीचे एकूण मार्केट कॅप सध्या 14,881 कोटी रुपये आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
