Income Tax Saving | जर तुम्ही तुमच्या कष्टाने कमावलेल्या पैशाचा मोठा हिस्सा दरवर्षी आयकराच्या रूपात सरकारकडे जमा करत असाल, तर तुम्ही असा विचार केला असेल की, हे पैसे तुम्ही स्वत:साठी कसे वाचवू शकता? त्यामुळे आम्ही तुम्हाला या बातमीत सांगणार आहोत की, कमाईच्या किती मार्गांवर तुम्हाला करसवलत मिळू शकते किंवा त्यावर कर जमा करण्याची गरज नाही.
हे उत्पन्न करमुक्त
सर्वप्रथम तुम्हाला हे माहीत असायला हवे की, वार्षिक अडीच लाख रुपयांचे उत्पन्न करमुक्त आहे. मग काही पर्यायांमध्ये गुंतवणूक करून तुम्ही टॅक्स वाचवू शकता. असे काही उत्पन्नही आहे ज्यावर कर नाही. ज्याबद्दल फार कमी लोकांना याची माहिती आहे. आम्ही तुम्हाला याच्याशी संबंधित संपूर्ण माहिती देणार आहोत. ज्याचा फायदा तुम्ही स्वतःसाठी नक्कीच घेऊ शकता.
१. पब्लिक प्रॉव्हिडंट फंडात (पीपीएफ) तुम्ही दरवर्षी जास्तीत जास्त दीड लाख रुपयांपर्यंत गुंतवणूक करू शकता. तुमचे पैसे पूर्णपणे करमुक्त असतील. यामध्ये तुम्हाला गुंतवणुकीवर व्याज मिळेल आणि तुमच्या मॅच्युरिटीच्या रकमेवरही कर लागणार नाही.
२. निवृत्तीपूर्वी सरकारी कर्मचाऱ्यांना स्वेच्छानिवृत्तीचा पर्याय असतो. यावर त्यांना एकत्र पैसे मिळतात. यापैकी पाच लाख रुपयांपर्यंत करमुक्त राहते.
३. आयकर कायद्याच्या कलम १० (२) नुसार अविभाजित हिंदू कुटुंबाकडून (एचयूएफ) मिळालेला किंवा वारसा मिळालेला पैसा हा पूर्णपणे करमुक्त असतो. याचा फायदा तुम्ही इन्कम टॅक्समध्ये घेऊ शकता.
४. जर तुम्ही शेती ते व्यवसायाशी संबंधित असाल. म्हणजे शेतीतून तुम्ही जे काही कमवत आहात, ते पूर्णपणे करमुक्त असेल.
५. त्याचबरोबर एखाद्या फर्ममध्ये पार्टनर म्हणून मिळणारे पैसे प्रॉफिट शेअरिंग म्हणून मिळाले तर त्यावर कोणताही कर लागणार नाही. कारण कंपनीने त्यावर आधीच कर भरला आहे, मात्र ही करसवलत नफ्यावरच मिळणार आहे.
६. नोकरी करत असाल तर आधी ग्रॅच्युइटीचा नियम समजून घ्या. एखाद्या कंपनीत 5 वर्ष काम केल्यानंतर ग्रॅच्युइटी बनवली जाते. ग्रॅच्युइटीची रक्कम पूर्णपणे करमुक्त असते. या करमुक्त रकमेला मर्यादा आहे. सरकारी कर्मचाऱ्याच्या २० लाख रुपयांपर्यंतच्या ग्रॅच्युइटीवर कर आकारला जात नाही. त्याचप्रमाणे खासगी कर्मचाऱ्याच्या १० लाख रुपयांपर्यंतच्या ग्रॅच्युइटीवर कर आकारला जात नाही.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
