Infosys Share Price | इन्फोसिस कंपनीचा स्टॉक टेक्निकल चार्टवर मजबूत वाढीचे संकेत देत आहे. इन्फोसिस स्टॉक शुक्रवारी 19 जुलै 2024 रोजी 5 टक्क्यांच्या वाढीसह 1843 रुपये या आपल्या 52 आठवड्यांच्या उच्चांक किमतीवर पोहचला होता. आज देखील हा स्टॉक तेजीत वाढत आहे. या कंपनीच्या शेअरमध्ये वाढ होण्याचे मुख्य कारण म्हणजे, कंपनीने आपले 2024-25 आर्थिक वर्षाचे एप्रिल-जून तिमाहीचे निकाल जाहीर केले आहे. ( इन्फोसिस कंपनी अंश )
या कंपनीचे एकूण बाजारमूल्य 20,843.19 कोटी रुपयांनी वाढून 7,51,247.27 कोटी रुपये झाले आहे. आज सोमवार दिनांक 22 जुलै 2024 रोजी इन्फोसिस स्टॉक 0.76 टक्के वाढीसह 1,806.50 रुपये किमतीवर ट्रेड करत आहे. इन्फोसिस स्टॉक आपल्या 1,925 रुपये या सर्वकालीन उच्चांक किंमत पातळीच्या खाली ट्रेड करत आहेत. नुकताच इन्फोसिस स्टॉकने जून तिमाही निकालाच्या पार्श्वभूमीवर मजबूत ब्रेकआऊट दिला आहे. सध्या हा स्टॉक हायर टॉप-हायर बॉटम ट्रेंड व्यवहार करत आहे.
शेअर बाजारातील तज्ञांनी इन्फोसिस स्टॉकवर ‘बाय ऑन डिप्स’ चा सल्ला दिला आहे. तज्ञांच्या मते, पुढील काळात इन्फोसिस स्टॉक 1,825 रुपये किमतीवर जाऊ शकतो. तज्ञांनी हा स्टॉक खरेदी करताना 1,680 रुपये किमतीवर स्टॉपलॉस लावण्याचा सल्ला दिला आहे. गुरुवार दिनांक 18 जुलै 2024 रोजी इन्फोसिस स्टॉक दोन टक्क्यांच्या वाढीसह 1,759 रुपये किमतीवर क्लोज झाला आहे.
मागील पाच दिवसांत या आयटी स्टॉकने आपल्या गुंतवणुकदारांना सहा टक्के नफा कमावून दिला आहे. मागील 30 दिवसांत या कंपनीच्या शेअर्सची किंमत 17 टक्क्यांनी वाढली आहे. मागील सहा महिन्यांत या कंपनीच्या शेअर्सची किंमत सहा टक्क्यांनी मजबूत झाली आहे. मागील एका वर्षात या कंपनीच्या शेअर्सने आपल्या गुंतवणूकदारांचे पैसे 19 टक्क्यांनी वाढवले आहेत. एप्रिल-जून 2024 तिमाहीत इन्फोसिस कंपनीचा एकत्रित निव्वळ नफा 7 टक्क्यांनी वाढून 6,368 कोटी रुपये नोंदवला गेला आहे.
मागील वर्षी याच तिमाहीत इन्फोसिस कंपनीला 5,945 कोटी रुपये निव्वळ नफा झाला होता. जानेवारी-मार्च तिमाहीत या कंपनीने 7,969 कोटी रुपये निव्वळ नफा कमावला होता. जून तिमाहीत या कंपनीने मागील वर्षीच्या तुलनेत 3.6 टक्के वाढीसह 39,315 कोटी रुपये महसूल संकलित केला आहे. मागील वर्षी याच तिमाहीत कंपनीने 37,933 कोटी रुपये महसूल संकलित केला होता. चालू आर्थिक वर्षासाठी इन्फोसिस कंपनीचा स्थिर चलन महसूल 1-3 टक्क्यांवरून वाढून 3-4 टक्के वाढला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
